Përgjimet “Bild”/ Padrino i krimit, Basha: Shporrja e Edi Ramës, mision kombëtar!

Pas publikimit të 10 përgjimeve të reja të gazetës gjermane “Bild”, ku u dëshmua blerja, vjedhja dhe kontrolli i votës edhe në kuti, ka reaguar Kryetari i Partisë Demokratike, Lulzim Basha, duke theksuar se tani nuk ka dyshim që Kryeministri Edi Rama është padrino i krimit dhe shporrja e tij është mision kombëtar.

“Edi Rama është padrino i krimit. Tani nuk ka më alibi. Shporrja e tij dhe e bandës së tij në pushtet është mision kombëtar.”

Ndryshe, 10 përgjimet e reja të gazetës gjermane “Bild” dëshmuan se ai që gazeta e cilëson si bossi i mafias, Ymer Lala, jo vetëm që ka nën kontroll gjithçka në qarkun ku jeton por edhe qeverinë e Edi Ramës.

Komunikon vazhdimisht me ministrin Damian Gjiknurin, “kokën” e Reformës në Drejtësi të Ramës, Ulsi Manjën, e madje edhe vet Kryeministrin Edi Rama.

Dhe jo vetëm kaq! Tashmë është e qartë se pse Ulsi Manja e solli prokuroren e vet për ta bërë Kryeprokurore sepse në të kundërtën këto përgjime të realizuara nga Prokuroria Shqiptare do të jepnin rezultat!