Përgjimet “Bild”/ Sandër “Ulsi” Lleshaj për DW: Nuk prishet imazhi i Shqipërisë…
Pas publikimit të përgjimeve nga gazeta gjermane “Bild” ku u dëshmua se kreu i bandës kriminale të Shijakut, Astrit Avdylaj, me kreun e Bashkisë Durrës, Vangjush Dakon, si dhe me zyrtarë të Partisë Socialiste kanë prodhuar dhe numëruar vota për rilindjen në zgjedhjet e vitit 2017, korit të Ulsi Manjës me Donika Prelën dhe Arta Markun, iu bashkangjit edhe Ministri i Brendshëm, Sandër Lleshaj. “Publikimi i përgjimeve në gazetën Bild nuk prish imazhin e Shqipërisë,” tha Ministri i Brendshëm, Sandër Lleshaj, në një intervistë për DW duke e konsideruar si një rrjedhje e paautorizuar e një procesi në zhvillim.
“Shqiperia eshte shume me e madhe se nje rast i shkeputur i nje publikimi te nje eprgjimi te caktuar. Sigurisht qe asnje lajm sado i vogel, qe nuk eshte pozitiv e nuk na pelqen se nuk i pelqen askujt, por besoj se ceshtja duhet te merret me qetesi. Behet fjale per nje ceshtje qe eshte ne proces hetimor. Kjo eshte nje rrjedhje e paautorizuar e nje procesi ne zhvillim, duhet te presim fundin, nuk duhet te kercejme konkluzionet shume heret se kam frike se i bejme dem gjithe procesit,” tha Ish-Gjeneral Sandër Lleshaj, njeriu i cili jo më larg se të dielën, nuk priti fundin e procesit që mendon ta riorganizoj Edi Rama për “21 Janarin” por kërceu, Lulzim Bashën e quajti vrasës të 4 protestuesve.
Po ka dalë dicka tjetër që inkriminon edhe politikën?
Ajo që është publikuar është pjesë e një dosje që po zhvillohet, pra për rastin konkret dhe përgjimet nuk janë prova, janë indicie që cojnë te provat, dhe duhet të presim që rasti të sqarohet nga organet përkatëse që po e hetojnë.
Opozita është në protesta që mund të përshkallëzohen se ngërci nuk do të zgjidhet dhe Basha e tha edhe në DË, quajeni si të doni, kryengritje ose revolucion duam të heqim Ramën, si do e përballoni këtë?
Nuk e kam dëgjuar, por më çudit, që flet për revolucion, eshte fatkeqësi e madhe që vjen në Gjermani zoti Basha takon parti Kristian Demokrate dhe Kristian Sociale dhe flet për revolucionin duke harruar që revolucioni dhe vlerat kristiane nuk kanë asgjë të përbashkët me njëra-tjetrën. Urojmë që udhëheqësve të këtij grupi politik që ka dalë nga parlamenti ti kthehet arsyeja për të futur në rrugën e ligjit dhe arsyes. Urojmë që ata të mbeten në nivelin politik dhe mos afrohen drejt skajit kriminal të sjelljes. Sepse sulmet ndaj policisë nuk konsiderohen si protesta politike, por janë sulme kriminale.
Qytetarët e kanë quajtur gaz helmues atë që hidhet ne protesta, i keni bërë analizat ju?
Nuk keni bërë asnjë analizë, bëhet fjalë për një gaz që është standard në përdorim të policive të të gjithë botës. Është gaz standard i certifikuar që për fat të mirë nuk është blerë nga ne, por nga ata që sot bëjnë opozitë ndaj nesh.
E keni quajtur Bashën vrasës, është akuzë që kur e thotë Ministri i Brendshëm pritet të merren masat ndaj një vrarësi
Kjo është çështje e prokurorisë. 21 janari është një rast shumë i rëndë në historinë e re të Shqipërisë që ka mbetur pa një përgjigje përfundimtare ligjore për të dhënë përgjegjësi atyre që duhet të mbajnë përgjegjësitë.
