Përgjimet “Bild”/ Shqetësimi, Manja: Jo përmbajtja por publikimi….
Kryetari i Komisionit të Ligjeve, deputeti i PS-së, Ulsi Manja, ka reaguar zyrtarisht pas publikimit të 6 audio-përgjimeve nga gazeta gjermane “Bild” duke tehksuar se nuk është i shqetësuar për përmbajtjen e përgjimeve dhe fatin e personave të përfshirë në të, por është i shqetësuar se ato materiale janë pjesë e një dosje që është në hetim dhe publikimi i tyre ka dëmtuar rëndë hetimin ndaj dhe kërkoi të nisin hetimet për nxjerrjen e sekretit hetimor.
“Nuk do flas për hetimet dhe fatin e personave të përmendur. Jam këtu i shqetësuar për dy gjëra, e para është koha që Prokuroria dhe Policia Gjyqësore të vlerësojë seriozisht çështjen e daljes në publik të sekretit hetimor. Të hetohet kush prej prokurorëve i çoi përgjimet në zyrat e PD,” tha i pashqetësuar Ulsi Manja që ka kolegë kriminel me të cilët qeverisë madje i pyetur nga gazetarët nëse do të vijoj të ulet në një tryezë me me një njeri si Vangjush Dakon të cilin përgjimet e konfirmojnë si “vëlla” i kreut të një grupi kriminal, dje Prokuror dhe sot Kryetar i Komisionit të Ligjeve e konfirmon se i takon një partie kriminale:
“S’jam i shqetësuar për përmbajtjen e përgjimeve dhe fatin e personave të përfshirë në të, pasi kjo duhet të jetë çështje e drejtësisë. Jam i shqetësuar se ato materiale janë pjesë e një dosje që është në hetim dhe publikimi i tyre ka dëmtuar rëndë hetimin. Ndaj jam sot këtu i shqetësuar. Unë jam anëtar i kryesisë së PS dhe jam ulur e do ulem me Dakon për sa kohë drejtësia e vendit tim nuk ka një vendim penal të formës së prerë që e ndalon të jetë pjesë e jetës publike, për sa kohë është qytetar i lirë. Për sa kohë respektojmë ligjet e vendit tim”.
Por Ulsi Manja i pashqetësuar me përmbajtjen e përgjimeve që e bëjnë me turp çdo shqiptar, merakun e ka te partitë opozitare:
“PD e LSI të mos merren me thashetheme e filxhanin. Opinionit publik të vërtetat duhet t’’ja japë drejtësia. Ju e patë edhe protestën e fundit, aty ku të dënuarit opozita i kishte pjesë të protestës së saj, ndërkohë që një dosje për të cilën s’ka folur ende drejtësia e ka bërë kauzë të saj, ka djegur mandatet e ka dalë në rrugë,” e gjenë kjo kokë socialiste edhe një paralelizëm të këtij lloji dhe i fut një mufkë komuniste:
“Kanë dalë përgjime me 200 mijë euro të kërkuara copë nga hetimet e pazbardhura që prokuroria duhet t’i zbardhë dhe SPAK ti ketë objekt nesër të punës së vet, apo edhe të tjera 1 milionë dollarë lobime nga opozita dhe kreu i PD, por kjo është normalitet për të. Ndaj është ora që prokuroria të flasë me gjuhën e të vërtetave, kushdo që është përfshirë të marrë ndëshkimin sipas ligjit dhe koha kur mund të bëhet politike me gjysmë të vërteta duhet të marrë fund,” thekson Ulsi Manja, gjinekologu që pjelli Prokuroren e Përgjithshme nga hiçi dhe sot thotë se është ora që prokuroria të flasë me gjuhën e të vërtetave.
Ndryshe, përgjimet dëshmuan të gjitha ato që mund të jenë në kokën e një krimineli; Dëshmuan se kreu i bandës kriminale të Shijakut, Astrit Avdylaj, me kreun e Bashkisë Durrës, Vangjush Dakon, si dhe me zyrtarë të Partisë Socialiste kanë prodhuar dhe numëruar vota për rilindjen në zgjedhjet e vitit 2017. Kush nuk shqetësohet për vepra të tilla kriminale, është çështje për piskologun!
