Përgjimet “Bild”/ Ujësjellësi në duart e krimit, Avdylaj i kërkon Drejtorit emrat e atyre që janë me PD: Ti shkundim…

Përgjimet e “Bild” tregojnë se jo vetëm Partia Socialiste, Bashkia e Durrësit dhe Hipoteka por i gjithë shteti i qeverisur nga rilindja është KRIMI.

Kreu i bandës kriminale të Shijakut, Astrit Avdylaj, është vet Zoti në Durrës. Shet dhe blen vota në zgjedhjet e vitit 2017 ndërsa në Ujësjellësin e Durrësit vartës i tij është Drjetori i UKD, Ivo Doçit. Astrit Avdylaj i kërkon Drejtorit të UKD, listën e punonjësve në mënyrë që ata të cilët janë me PD, ti detyroj të votojnë për PS, siç thotë kreu i bandës kriminale duke i shkundur.

E veçanta e këtyre “shkundjeve” nga ana e krimit me urdhër të partisë, është se nuk ka angazhime kriminale për votuesit e LSI ndonëse në këto zgjedhje, zyrtarisht ishi rival ashtu sikur se PD:

Astrit Avdylaj: Mirëmbrëma, Astriti jam si ia çove?

Drejtori i UKD: Astrito si je?

Avdylaj: Isha cik te ai në Durrës, me Arbanën dhe nesër kur të kesh kohë ti du me fol cik, me pas listën që ke kundër dhe atë të PD, të gjithë emrat që ke kundër.

Drejtori i UKD: I kam nda unë i ke gati komplet i kam bërë më parë

Astrit Avdylaj: Kur të kesh kohë, duhet me i thirrë që ti shkundim nga një cik, o te puna o të na japin votën, o të ikin te shpia

Drejtori i UKD: I kam nda unë, komplet, edhe kush ka qenë në punë

Astrit Avdylaj: Duhet me i qeth me një fjalë se duhet

Drejtori i UKD Patjetër

Avdylaj: Mirë pra, na fal

Drejtori i UKD: Ca thu mo burrë, natën…