Përgjimet e Çukos/ Paligjshmëria gjëmon deri në Amerikë, Edi Rama merret me Kazan…
“Hetimet e Prokurorisë së Krimeve të Rënda për ish-drejtorin e Burgjeve, Arben Çuko ekspozojnë farsën e konkurseve publike dhe ndërhyrjet për punësime nga zyrtarë lokalë, deputetë të Partisë Socialiste dhe në një rast, edhe nga kabineti i kryeministrit Edi Rama”. Kështu shprehet “Zëri i Amerikës” duke publikuar disa nga përgjimet dhe mesazhet që dëshmojnë se si funksionojnë konkurset publike në Drejtorinë e Burgjeve dhe jo vetëm, por kjo nuk e shqetësoi kryeministrin.
Edi Rama shqetësohet pse doli një medie që kundër tij, dhe pse kjo duhet të jetë pikërisht “Zëri i Amerikës”, të cilin më shumë se çdo medie tjetër, mendonte se e kishte në xhep. Po, ja që urdhërat i jep dikush tjetër në një medie që nuk është e varur nga reklamat që shpërndanë Fuga, dhe ata që ishin, edhe mund të jenë në xhep.
Gjithsesi, Edi Rama u zemërua dhe përveç se përbalti i bëri një nder të madh gjithë atyre mediave dhe gazetarëve që kryeministri i konsideron Kazan:
“Erdhi dita që Zëri i Amerikes të flasë nga kazani i Tiranës, duke përgojuar dynjanë mbi bazë llogjesh telefonike. Për herë të parë në Shqipëri organizohet konkurs publik për punësimet në burgje dhe kazani gjëmon deri në Amerikë e jehon në katundin tonë mediatik. Çfarë katandie,” thekson Edi Rama përmes rrjetit social Twitter.
Dhe jo vetëm kaq! Në postimin e radhës, po në rrjetin social Tëitter shton:
“Shkoni verifikoni dokumentat e konkursit e ballafaqoni rezultatet me rekrutimet, pastaj hidhni baltë sa të doni! U kujtuat për emërimet partiake në administratë, pas 30 vjetësh dhe duke sulmuar ultësisht, e aspak gazetarisht, pikërisht ata që po bëjnë çmos t’i vënë fre zullumit”.
Sot papërgjegjshmëia e Edi Ramës nuk është lajm ashtu si edhe acarimi me një raport ose një medie qoftë ajo edhe “Zëri Amerikës”, kur një ljam i raportuar nuk del nga filtri i Fugës! Lajm mund të konsiderohet kriteri që kryeministri e vlerëson një medie si Kazan, sepse prej sot, të paktën gazetarët duhet të jenë të qetë, qenkan profesionist. Sa i përket gjëmimit dhe jehonës së Kazanit, askush nuk e vënë në dyshim se Edi Rama me pronarët e medieve e ka përcaktuar dhe e përcaktojnë intensitetin e tyre, përderisa nuk transmetojnë raporte të tilla siç ishte ky i “Zërit të Amerikës”.
