Përjashtimi i deputetëve të PD, Noka: Ramë Gonigali do i mbyll gojën opozitës! S’ja arrinë…

Pas vendimit të Komisionit të Etikës pranë Parlamentit të Shqipërisë për të përjashtuar deputetët Sali Berisha dhe Flamur Noka me 10 ditë, dhe deputetët Edi Paloka dhe Belind Këlliçi me 5 ditë nga seancat plenare, ka reaguar Sekretari i Përgjithshëm i Partisë Demokratike, Flamur Noka, duke e konsideruar një skenar të Ramë Gonigalit për ti mbyllur gojën dhe eliminuar opozitën por e siguron se nuk do të ja arrijnë dot.

“Me urdhër të Ramë Gonigalit, vazhdon skenari për ti mbyllur gojën, për të eliminuar opozitën. Këta mendojnë se duke përjashtuar pa asnjë shkak, pa asnjë arsye deputetët e opozitës, dhe duke i bërë qejfin Ramë Gonigalit mendojnë se i shërbejnë demokracisë. Por të luftosh opozitën, të vazhdosh të marrë urdhra për ta likuiduar atë si pjesë të skenarit, kjo është vetëm vrasje e opozitës.

Të jeni të sigurtë, as zonja Nikolla, as Ramë Gonigali, as të tjetër nuk do të ja arrijnë të mbyllin zërin e opozitës. Ne, demokratët, qytetarët e këtij vendi na kanë votuar aty për ti mbrojtur ata, për të folur dhe për fjalën e lirë. Pa fjalën e lirë, një parlament nuk mund të ekzistojë, ai quhet monist. Edi Rama vërtetë mendon të instalojë monizmin, por ne kemi për detyrë që të përfaqësojmë 750 mijë votuesit dhe të çojmë zërin e tyre në parlament,” tha Flamur Noka duke siguruar se sa herë që zëri i tyre nuk do të na lejojë të shkojë në parlament, sa herë që ne do të na bllokojnë fjalën, siç ka ndodhur rëndom këtyre kohëve, ne do të gjejmë metoda për të folur dhe përcjellë mesazhet tona.

Në fund, Sekretari i Përgjithshëm i Partisë Demokratike, Flamur Noka, i bindur se asnjë nen i rregullores nuk është thyer në parlament kujtoj dhe kohën kur këta rrugaçë socialistë që sot shesin etikë, ishin në opozitë:

“Unë këtu mund të ju bëj me dije kohën kur nuk dhunohej opozita dhe kur funksiononte demokracia.
Me vuvuzela, me bilbila, protestonte për të drejtat e veta opozita. As nuk shpallej armik, as nuk tentohej të likuidohej, as nuk persekutohej, as nuk tentohej të bëheshin gjyqe publike siç donin të na bënin sot ne, as nuk merrej vendim në emër të popullit siç donin ta bënin sot këta, por respektohej, opozita është pasuri kombëtare.”

Çmenduri shumë e madhe nuk është kur një deputet përjashtohet nga seanca plenare për etikë, por kur këtë vendim e merr njeriu pa etikë fare, pa aromë parlamentare madje as demokracie, kjo nuk mund të quhet çmenduri përveç se të përmbledhet me një fjalë ku përfshihen të gjitha gjërat e pista që kanë ndodhur në politikën shqiptare që nga krijimi i saj, Edi Rama!