Përkeqësimi klimës biznesit, Yuri Kim: Shqiptarët janë lodhur nga politika. Duan zgjidhje!

Klima politike, konkurrenca e pandershme dhe korrupsioni janë arsyet përveç pandemisë dhe situatës së krijuar nga tërmeti, që kanë ndikuar në përkeqësimin e klimës së biznesit si dhe ka rënie të investimeve amerikanë në Shqipëri. Kështu konstaton Ambasadorja e SHBA, Yuri Kim, me rastin e prezantimit të Indeksit të Biznesit për vitin 2019 nga Dhoma Amerikane duke i bërë thirrje politikës shqiptare që të lënë lojëme fajin por të punojnë për të mirën e popullit sepse shqiptarët janë të lodhur nga politika dhe duan zgjidhje.

“Jam sot këtu për të thënë se rritja e mundësive të biznesit mes SHBA dhe Shqipërisë është një nga prioritetet e mia. Anketimet tregojnë rënie në klimën e biznesit, ka qenë një vit i vështirë, pasi veç tërmetit ka qenë edhe situata e COVID 19. Po ashtu në këtë përkeqësim ka ndikuar edhe klima politike, konkurrenca e pandershme dhe korrupsioni. Vërehet se ka rënie të investimeve amerikane,” Ambasadorja Yuri Kim ndërsa kishte një mesazh të qartë për politikanët:

“Në vend që të caktojmë se kush e ka fajin për problemet që ekzistojnë, shpresojnë që autoriteti i biznesit t’i rishikojë këto. Jam kureshtare të di cili është vizioni i Dhomës Amerikane në këtë situatë të vështirë, si mund të krijohen vende të reja pune, si do thithen investitorët. Shqiptarët janë të lodhur nga politika. Duan zgjidhe, jo të vazhdohet me një lojë faji, duan që udhëheqësit të punojnë së bashku për të mirën e popullit. Duan të kenë shanse, mundësi dhe jo korrupsion, mundësi që t’ju japin një të ardhme më të mirë fëmijëve të tyre.”

Në fund, Ambasadorja e SHBA, Yuri Kim, sfidoj qeverinë dhe jo vetëm:

“I sfidoj të gjithë në qeveri apo jo, në biznes që ta marrin parasysh këtë raport që të ndryshoni, të të ecni përpara. Populli do rezultat, vizon jo ofendime. Besoj që udhëheqësit shqiptarë janë të aftë në këtë sfidë. SHBA do jenë të gatshme t’ju mbështesin.”