Përkundër propozimit për anulim, europianët do të lëvizin akrepat e orës

Edhe pse Komisioni Europian, KE, para tre viteve propozoi që të anulohet lëvizja sezonale e akrepave të orēs, shtetet anëtare ende nuk kanë ra dakord, dhe siç shihet në një kohë të afërt kjo nuk do të ndodhë.

“Të dielën, më 31 Tetor, do të spostojmë orën,” tha zëdhënësi Stefan De Keersmaecker, duke u përgjigjur në pyetjen e gazetarëve se çfarë po ndodhë me propozimin për lëvizjen e akrepave të orës në çdo javë të fundit të muajit mars dhe javën e fundit të muaji tetor.

Ndryshe, lëvizja sezonale e akrepave të orës duhej të ndalonte në vitin 2019, pasi Ish-Presidentini i KE, Jean-Claude Juncker, propozoi në vitin 2018 për gjithë Bashkimin Europian, duke iu lënë shteteve anëtare të vendosin nëse do të mbajnë llogaritjen verore të orës apo atë dimërore.