Përmbytjet në Shkodër, banorët: 8 vjet asnjë investim; PD: Duhet të themi mjaft!

Askush nga qeveria nuk është kujtuar për ne! Kështu u shprehën banorët e zonave të përmbytura në Shkodër në takim me Drejtuesin politik të Partisë Demokratike në këtë qark, Helidon Bushati, i cili u shpreh qartë se kjo është një qeveri që punon për vete, prandaj duhet të themi mjaft.

“Për 8 vjet nuk ka hedhur asnjë qindarkë tek ne,” tha një banor në Dajç.

“Kjo qeveri nuk do t’ia dijë për ju. S’ka bërë asgjë në 8 vjet. Ekonomia shkatërrohet, papunësia rritet, varfëria ulur këmbëkryq, ata në qeveri trefishojnë pasuritë. Kjo është një qeveri që punon për vete. Prandaj, duhet të themi mjaft. Duhet ndryshimi, se nuk vazhdohet me një qeveri që mendon vetëm për vete,” tha Helidon Bushati ndërsa shoqërohej nga Kryetarja e Bashkisë Shkodër, Voltana Ademi e cila duke mbëshetur banorët, vuri në dukje mungesën e fondeve nga qeveria në lidhje me kullimin.

“Vetëm me investimet e Bashkisë, kemi bërë të mundur në të gjithë tërritorin e bashksië, pastrimin në masën 78% të kanaleve të dyta dhe të treta që janë në kopetencën tonë. Imagjinoni çfarë ndryshimi i madh do të ishte për banorët në fshat, nëse qeveria do ta kishte politikë të vetën financimin për kullimin,” tha kryetarjae Bashkisë Shkodër, Voltana Ademi.

Në fund, Drejtuesi politik i PD në Shkodër, Helidon Bushati, garantoi banorët se ky ndryshim do të bëhet pas zgjedhjeve, me drejtimin e qeverisë nga Kryeministri Lulzim Basha, i cili ka në plan të investojë çdo vit rreth 50 milionë euro vetëm në infrastrukturën për bujqësinë.