Përpjekjet në Bruksel, BE: Takimi i nivelit të lartë, vetëm nëse kryenegociatorët bien dakord

Duek konfirmuar se sot në Bruksel do të ketë një takim në mes kryenegociatorëve Besnik Bislimi nga Kosova dhe Petar Petkoviç nga Serbia, Zëdhënësi i BE-së, Peter Stano, tha se takimi i nivelit të lartë mund të zhvillohet vetëm nëse kryengeociatorët bien dakord.

Në konferencën e rregullt për media në Bruksel, Peter Stano sqaroi se qëllimi i BE-së ka qenë gjithmonë gjetja e një zgjidhje në frymën evropiane për situatën aktuale.

“Kemi ftuar kryenegociatorët e të dyja palëve që të vijnë në Bruksel, dhe kemi marrë konfirmimin që ata do të vijnë, dhe mund të konfirmoj që do të kemi një takim sot. Qëllimi është si gjithmonë që të gjejmë një zgjidhje evropiane për situatën aktuale,” ka tha Stano ndërsa sqaroi nëse do të ketë në mes të Kryeministrit Albin Kurti dhe Presidentit të Serbisë, Aleksandar Vuçiç:

“Ju e dini që takimet e kryenegociatorëve zakonisht pasohen nga takimet e nivelit të lartë kur kryenegociatorët janë të gatshëm të pajtohen. Ne kemi parë dialogun e të hënës me liderët e dy palëve, fatkeqësisht ai takim nuk solli asnjë rezultat,” tha Zëdhënësi i BE-së, Peter Stano, duke përfunduar:

“BE ripërsëritë që pret sjellje evropiane nga dy palët për të gjetur zgjidhje për këtë situatë, që është situatë krize, që s’e kemi parë prej vitesh.”