Përplasen 60 makina, 50 të plagosur

Një aksident i pazakontë ka ndodhur në mëngjes në një autostradë në Virginia.

Raportohet se në aksidentin i cili ndodhi në orët e para të mëngjesit në autostradën 64 në York County,  janë përfshirë mbi 60 makina ku për pasojë u plagosën 50 persona, 2 prej të cilëve janë në gjendje të rëndë shëndetësore.

Shkak për aksidentin mendohet të ketë qenë mjegulla dhe ngrica në rrugë.

Si pasojë e këtij aksidenti, autoritetet u detyruan të mbyllnin përkohësisht qarkullimin e makinave në të dyja drejtimet.