Përplasen Ish-Gjeneral Lleshaj dhe Koncesionari, Bankave që u vodhën miliona euro heshtin…
Kaluan 48 orë ka nga grabitja në Aeroportin e Rinasit dhe opinioni publik ka dëgjuar përralla nga më të ndryshmet, si u futën në Aeroport, si u morën paratë, si u neutralizua njëri prej banditëve madje ministri i Brendshëm këtë akt e quajti edhe shkatërrim të bandës së rrezikshme kriminale.
Kur ministri i Brendshëm, Sandër Lleshaj akuzoi kompaninë koncesionare TIA, si përgjegjëse për grabitjen e fundit, kjo e fundit, arsyetimin e ministrit e vlerësoi mashtrim dhe sqaroi në pika të shkurta se si qëndron çështja me sigurinë e Aeroportit të vetëm në Shqipëri i cili nuk ka as elementët bazë të sigurisë.
Kryeministri Edi Rama edhe pasi dëgjoi palët, nuk u mor me përgjegjësin e vërtetë të sigurisë në këtë vend, Ish-Gjeneral Sandër Lleshajn por kërcënoi koncesionarin përmes Ministres së Transportit dhe çoi Forcat e Armatosura me urdhër të Ministres së Mbrojtjes.
Në gjithë këtë katrahurë, kur ende nuk dihej se cila është shuma e grabitur, kur mediat greke raportojnë pak ora pas vrasjes se bëhet fjalë për Admir Murataj dhe Ish-Gjeneral Sandër Lleshaj heshtë ndërsa akuzon koncesionarin si fajtor, kur TIA akuzon policinë se është fajtore, kur Kryeministri Edi Rama e vlerëson situatën serioze dhe pa e pyetur fare Komandantin e Forcave të Armatosur, Presidentin Ilir Meta, blindon Aeroportin e Rinasit me ushtri, pala e dëmtuar, atyre që u vodhën lekët, bankat e nivelit të dytë, heshtin, ashtu si edhe kompania e sigurimit!
Sot, këto banka nuk kanë pse akuzohen më që janë thjeshtë qendra kambizmi për pastrimin e parave që japin edhe pare me fajde, që zyrtarisht i quajnë kredi. Bankat e nivelit të dytë janë jashtë çdo standardi dhe shërbejnë vetëm për këtë qëllim, dhe përderisa nuk reagojnë dhe ende nuk dihet se cila është shuma, siç ndodhë zakonisht me grabitjet tjera në Shqipëri, kur kompania transportuese “Austria Airlines” e bënë të qartë se nuk do të transporton më para nga Tirana, më të pistë në këtë ngjarje ngelen paratë që do të transportoheshin drejtë Vjenës, e që janë pronë e 4 Bankave të Nivelit të Dytë!
