Përplasen trenat, dy të vdekur

Dy persona kanë humbur jetën dhe një është plagosur rëndë me rastin e përplasjes së dy trenave të transportit në Jabllanicë të Bosnje Hercegovinës.

Përplasja e trenave ka ndodhur afër stacionit të trenit në Jabllanicë, mbrëmë rreth orës 23:00 bënë të ditur policia.

Pas ndërhyrjes së zjarrfikësve dhe policisë, prokurori sot ka vazhduar me hetimet edhe sot në vendin e ngjarjes.

Nga Drejtoria e Hekurudhave të Bosnje Hercegovinës është bërë e ditur se pas përplasjes së dy trenave të transportit, jetën e kanë humbur dy punëtorët e hekurudhës T.F. (1971) dhe Ç. J. (1986), deri sa makinisti K. H. (1983) ka marrë plagë të rënda trupore dhe është transportuar në spitalin e Mostarit.

Makinisti tjetër, J. B. (1968) nuk është lënduar, dhe siç thuhet ka shpëtuar pasi para përplasjes ka kërcyer nga lokomotiva.

Drejtoria e Hekurudhave të Bosnje Hercegovinës kanë shprehur ngushëllime familjarëve të punëtorëve që humbën jetën  dhe paralajmëruan se do të ofrojnë gjithë ndihmën e domosdoshme.