Përplasja Rama-Basha, Ambasada e SHBA: Bashkohuni në frymë dhe veprime!
Pas përplasjes së fortë që erdhi në mes të Kryeministrit Edi Rama dhe Kryetarit të Partisë Demokratike, Lulzim Basha, pasi ky i fundit akuzoi qeverinë se ka shpërndarë maska të skaduara që në dhjetorin e vitit 2011, ka reaguar Ambasada e SHBA në Tiranë duke i bërë thirrje palëve të bashkohen në frymë dhe veprime kundër COVID-19.
“COVID-19 kërkon që cilido në Shqipëri – pavarësisht se kush je – të bashkohet në frymë dhe në veprime. Ashtu si Presidenti Meta, Kryeministri Rama dhe Kryetari i Partisë Demokratike Basha ranë dakord së bashku, kjo është një kohë për veprime të qeta dhe praktike nga publiku, dhe veprime të shpejta e të përgjegjshme nga të gjithë udhëheqësit,” thekson Ambasada amerikane në reagimin e saj përmes rrjetit social Facebook ndërsa e bënë të qartë se Ambasada do të zbatojë masat mbrojtëse bazë ndaj COVID-19 të rekomanduara nga OBSH, dhe do të vazhdojë përpjekjet e qeverisë shqiptare.
“Do të vijojmë të mbështesim përpjekjet e qeverisë së Shqipërisë për të udhëhequr një përgjigje të bashkërenduar dhe transparente, e cila i mban të gjithë njerëzit në Shqipëri sa më të sigurtë, të shëndetshëm dhe të informuar që të jetë e mundur.”
Ja reagimi i plotë:
??️COVID-19 kërkon që cilido në Shqipëri – pavarësisht se kush je – të bashkohet në frymë dhe në veprime. Ashtu si Presidenti Meta, Kryeministri Rama dhe Kryetari i Partisë Demokratike Basha ranë dakord së bashku, kjo është një kohë për veprime të qeta dhe praktike nga publiku, dhe veprime të shpejta e të përgjegjshme nga të gjithë udhëheqësit. Në këtë drejtim, edhe Ambasada do të zbatojë masat mbrojtëse bazë ndaj COVID-19 të rekomanduara nga OBSH-ja, përfshirë mbajtjen e largësisë midis personave dhe masa të rritura personale higjenike, si larja e shpeshtë e duarve. Do të vijojmë të mbështesim përpjekjet e qeverisë së Shqipërisë për të udhëhequr një përgjigje të bashkërenduar dhe transparente, e cila i mban të gjithë njerëzit në Shqipëri sa më të sigurtë, të shëndetshëm dhe të informuar që të jetë e mundur.??️️
