Përplasja Studentë-Polici/ Reagimi, Rektori i UT: Veprime të papërgjegjshme…

Pas përplasjes së studentëve me disa efektivë policie në ambientet e Fakultetit Ekonomik, ka reaguar ashpër Rektori i Universitetit të Tiranës, Mynyr Koni, për veprimet totalisht të papërgjegjshme, sipas tijë, të disa prej anëtarëve të forcave të rendit në ambientet e Fakultetit të Ekonomisë.

“Studentët e UT janë në të drejtën e tyre legjitime për të protestuar si qytetarë të lirë të një vendi demokratik, për të kërkuar plotësimin e kërkesave të tyre për një arsim cilësor dhe bashkëkohor!”, thekson Mynyr Koni përmes rrjetit social Facebook.

Reagimi i plotë:

Në vijim të ngjarjeve që ndodhën sot në Fakultetin e Ekonomisë dhe të Drejtësisë, si Rektor i Universitetit të Tiranës por edhe si pedagog prej shumë vitesh, shpreh indinjatën time të thellë personale për veprimet totalisht të papërgjegjshme të disa prej anëtarëve të forcave të rendit në ambientet e Fakultetit të Ekonomisë.

Studentët e UT janë në të drejtën e tyre legjitime për të protestuar si qytetarë të lirë të një vendi demokratik, për të kërkuar plotësimin e kërkesave të tyre për një arsim cilësor dhe bashkëkohor!