Përplasje me studentët/ Akuzohet Ish-Gjeneral Lleshaj: Na ke helmuar me gaz…

Ministri i Brendshëm, Ish-Gejneral Sandër Lleshaj është pritur me protesta nga studentët, para takimit që ishte organizuar në Universitetin “Aleksandër Moisiu” në Durrës.

Në momentin kur ministri ka mbërritur pranë Universitetit, një grup studentësh duke akuzuar Ish-Gjeneral Lleshajn se i ka helmuar me gaz gjatë protestës ndërsa mbanin pankarta në duar filluan të thërrasin “turp”, “turp”…

Debati mes Ish-Gjeneral Lleshajt dhe protestuesve:

Ish-Gjeneral Lleshaj: Çfarë do doje prej meje?

Protestuesi: Për çfarë keni ardhur këtu, ju nuk ju takon me ardh në asnjë vend të Shqipërisë, jeni qeveri ilegjitime, vini këtu dhe e morëm vesh një orë përpara se ka ardh ministri, a thu se ka ardh shërbimi sekret.

Ish-Gjeneral Lleshaj: Ju e caktoni kur vij unë e kur nuk vij unë?

Protestuesi; Nuk e caktoj unë, unë duhet ta di!

Ish-Gjeneral Lleshaj: Kush jeni ju?

Protestuesi: Unë jam qytetari i këtij vendi, që ti me ke helmu mu, a je ministri Brendshëm, më ke hedh gaz

Ish-Gjeneral Lleshaj: Duhet të komunikojmë.

Protestuesi: Çfarë të komunikojmë, çfarë do bëjnë do na arrestojnë këta shoqëruesit tuaj?

Protestuesit: Turp, turp, turp…

Protestuesi tjetër: Kam unë ca pyetje zoti ministër. E para ke qenë këshilltar sigurie për kryeministrin në momentin që Shqipëria u mbush me kanabis. Çfarë këshillash i keni dhënë kryeministrit rreth çështjes së kanabizimit të vendit?

E dyta pse po përdoret lëndë toksike gjatë protestave? E treta pse truprojat tuaja po ushtrojnë dhunë ndaj nesh?”

Ish-Gjeneral Sandër Lleshaj me ndihmën e truprojave vazhdoi axhendën e tij duke u futur në ambientet e Universitetit ku ishte dhe kryetari i Bashkisë së Durrësit, Vangjush Dako. Edhe studentët tentuan të hyjnë brenda në Universitet por nuk u lejuan nga policia.