Përtej dhënies zë të zemërimit popullor/ Korçë, Basha: Sot PD paraqet rrugët e daljes nga kriza…

Përtej dhënies zë të zemërimit popullor, sot opozita, PD po paraqet rrugët e daljes nga kriza. Jo thjesht me slogane, por me platforma konkrete. Kështu u shpreh sot Kryetari i Partisë Demokratike, Lulzim Basha para qytetarëve në Korçë ndërsa foli për gjendjen aktuale në këtë qytet dhe jo vetëm.

“Ju e dini se me shumë se gjysma e parave që janë investuar këtu në Korçë, kanë shkuar në xhepat e kontraktorëve, që janë përdorur thjesht për t’i zhvatur ëkto para dhe futur në xhepat e tyre dhe të politikanëve.”

Është fakt se në pjesën tjetër të vendit nuk ka pasur asnjë investim domethënës, as rritje rrogash e pensionesh. Është fakt se nuk ka një investim të huaj të rëndësishëm në këto 5 vite, theksoi Lulzim Basha duke shtuar:

“Është fakt se në Korçë dhe në gjithë Shqipërinë, numri i bizneseve që mbyllin qepenat ka arritur shifrën dramatike prej 45 biznesesh në ditë. Pra, në kohën që ne jemi këtu në sallë derisa të dalim jashtë, 2-3 biznese i kanë mbyllur qepenat. Është fakt se 49% e shqiptarëve nuk paguajnë dot faturën e ujit dhe dritave dhe 39% nuk e ngrohin dot shtëpinë.”

Sot nuk jam këtu për të gërvishur këtë plagë, tha kryetari i PD, por për të prezantuar themelet e planit tonë për zgjidhjen e këtij problemi. Ne kemi paraqitur tre shtyllat për pastrimin e politikës nga krimi, çlirimin e zgjedhjeve.

“Nuk ka qytet më të mirë për ta nisur këtë se nga Korça dhe do ta vazhdojmë në mbarë vendin. Ato janë baza e veprimit që do të ndryshojnë situatën në Shqipëri,” theksoi Basha duke konstatuar:

“Sot kemi 350 politikanë, zyrtarë, kryebashkiakë, deputetë, që ligji i dekriminalizimiti nxori nga politika, por Rama ka gjetur mënyra të tjera për t’i futur ata. Ne denoncuam rastin e Agron Xhafajt dhe sot, vëllai i tij Fatmir Xhafaj është i shkakrkuar nga detyra. Ne denoncuam idhjet e Taulant Ballës, që marrin tendera në kundërshtrim me ligjin.”

Por, përtej denoncimeve, përtej dhënies zë të zemërimit popullor, tha kryetari i Partisë Demokratike, Lulzim Basha, sot opozita, PD po paraqet rrugët e daljes nga kriza:

“Jo thjesht me slogane, por me platforma konkrete. Ne presim që këto platforma të jenë produkr jo vetëm i ekipit tonë në Shqipëri, por të pasurohet po ëkshtu duke i dhënë dimensionin e plotë të debatit me qytetarët. ndaj ju ftoj të ndiqni tre prezantime të shkurtra nga znj. Tabaku, z. Bylykbashi dhe z. Bardhi. ”