Përzgjedhja, KLP: Ja 15 kandidatët për SPAK!
Këshilli i Lartë i Prokurorisë, KLP, sot me pikën e vetme të rendit të ditës “Miratimi i projekt-vendimit ‘Për miratimin e listës me renditjen e kandidatëve për prokurorë në SPAK’” ka vazhduar me procedurën e ngritjes së Prokurorisë së Posaçme, SPAK, duke përzgjedhur 15 emrat e prokurorëve, të cilët do të vijojnë garën për t’u bërë pjesë e Prokurorisë së Posaçme.
Relatori i Komisionit të Posaçëm për SPAK, Sandër Beci, pasi ka paraqitur raportin mbi kandidatët e SPAK, Këshilli i Lartë i Prokurorisë ka përzgjedhur 15 emrat e prokurorëve, të cilët do të vijojnë garën për t’u bërë pjesë e Prokurorisë së Posaçme:
Altin Dumani, Anton Martini, Elisabeta Imeraj, Arben Kraja, Doloreza Musabellui, Klodian Braho, Enkeleda Millonaj, Manjola Kajana, Edvin Kondili, Ened Nakuçi, Elida Kaçkini, Ndini Tavani, Behar Dibra, Anita Jella dhe Besnik Muçi.
Vlenë të theksohet nga kjo garë janë skualifikuar dy prokurorët që kanë drejtuar Pokurorinë e Krimeve të Rënda, ajo aktuale, Donika Prela, dhe Ish-Prokurori i Krimeve të Rënda, Besim Hajdarmataj.
Gjithashtu, janë përjashtuar edhe dy prokurorët e çështjeve shumë të diskutueshme, atë të Ish-ministrit të Brendshëm, Saimir Tahiri, dhe Dosja e famshme “339” e përgjimeve për blerjen e votave në Durrës, ku ishte përfshirë Ish-kryebashkiaku Vangjush Dako, prokurorët, Dritan Prençi e Vladimir Mara.
Procesi, sipas relatorit të Komisionit të Posaçëm për SPAK, Sandër Beci, është mbikëqyrur përgjatë ecurisë së tij nga misionet ndërkombëtare EURALIUS dhe OPDAT.
Lista përfundimtare me 15 prokurorë do të vijojnë garën për në SPAK duke kaluar edhe Vettingun; Nëse nuk e kalojnë, atëher hapet gara për të tjerë prokurorë për SPAK.
