Pesë orë gjumë nuk mjaftojnë, madje janë të dëmshme

Më pak se pesë orë gjumë janë të mjaftueshme është një mit i cili nuk do të largohet, por gjithashtu është një nga mitet më të dëmshme për shëndetin.

Ish-kryeministrja britanike Margaret Thatcher pati thënë se ndjehej shkëlqyeshëm me katër orë të shkurtra gjumi në natë. Kancelarja gjermane Angela Merkel ka bërë pretendime të ngjashme dhe shkëmbimi i orëve në krevat me kohë shtesë në zyrë nuk është i pazakontë në tregimet e biznesit apo udhëheqësve të suksesshëm.

Megjithatë studiuesit theksojnë se besimi se më pak se pesë orë gjumë janë të shëndetshme, është një nga mitet më të dëmshme për shëndetin.

“Ne kemi dëshmi të gjera për të treguar se gjumi për pesë orë ose më pak në mënyrë konsistente, rrit rrezikun në masë të madhe për pasoja negative në shëndet”, tha studiuesja Dr Rebecca Robbins.

Këto përfshinin sëmundje kardiovaskulare, të tilla si sulme në zemër dhe goditje, dhe jetëgjatësi më të shkurtër.

Në vend të kësaj, ajo rekomandon që të gjithë të synojnë gjumë të vazhdueshëm prej shtatë deri në tetë orë në natë