Pesë vendet e mistershme, shumë më të tmerrshme se Trekëndëshi i Bermudës

Nga krijimi i njeriut e deri tek paraqitja e UFO-ve këto janë vendet që duhet të shmangen patjetër.

Ngjarjet e pashpjegueshme ose vetëm fati i keq që i ndjek disa prej këtyre vendeve, i kanë bërë pika që duhet të shmangen.

Këto janë pesë vende që ofrojnë më shumë mistere se sa i famshmi, Trekëndëshi i Bermudës.

1.Malet e bestytnisë

Superstition Mountains ndodhet në lindje të Phoenixit në Arizonë, SHBA. Në vitet 1800, Jacob Waltz ka zbuluar atje një minierë të madhe ari. Për këtë vend, dhe pikën e saktë në këto male ai i ka rrëfyer vetëm një personi. Megjithatë, askush, kurrë nuk arriti ta gjejë këtë vend  për të cilin ai ka folur, dhe shumë njerëz kanë humbur jetën duke e kërkuar këtë minierë.

Legjenda thotë se fisi indian Apache besojnë se ky vend nuk është vetëm minierë, por porta e ferrit, dhe këtë mal e kanë anashkaluar me çdo çmim. 

2.Fshati i zhdukur

Në nëntorin e vitit 1930, fshati prej 2.000 banorëve ishte i vendosur buzë liqenit Angikuni në Kanada. Joe Labelle ishte në dijeni për ekzistimin e këtij fshati dhe u nis drejtë tij në mënyrë që të kalonte natën, meqë ishte në rrugë e sipër dhe kishte vizituar edhe më parë këtë vend ku njerëzit ishin shumë mikpritës. Kur arriti atje, u shokua me faktin se fshati ishte zhdukur ndërkohë ushqimet dhe armët ishin atje ndërsa vatrat ishin të ndezura. Përveç kësaj, në fshat nuk kishte asnjë kafshë. Labelle lajmëroi policinë, por ata nuk arritën të zbulojnë asgjë.

Teoricientët e komploteve theksojnë se zhdukja e fshatit mund të ndërlidhet me jashtëtokësorët, por askush nuk mund ta dijë se çfarë u ka ndodhur këtyre njerëzve,  dhe kurrë nuk janë kthyer.

3.Trekëndëshi Bridgewater

Ky është një vend në veri të Massachusetts, me sipërfaqe 200 kilometra katror ku thuhet se rregullisht shfaqen dhe shihen dukuri të ndryshme paranormale. Një numër i madh njerëzish që e kanë vizituar këtë vend janë tmerruar dhe kanë denoncuar në polici “shfaqje” të ndryshme, nga jashtëtokësorët deri tek Bigfootët dhe zogjtë Thunderbird, që ngjajnë shumë me Pterodaktilin e madh, por që tashmë është zhdukur prej qindra vjetësh.  

Në vitin 1976 një qytetar ka denoncuar vrasjen e dy kuajve nga një qenë i madh ndërsa ishin duke kullotur në livadh. 

4.Trekëndëshi i Benningtonit
Në kët vend në Vermont, SHBA, janë shënuar zhdukje misterioze nga viti 1945 deri në vitin 1950. Ngjarja e parë ka ndodhur në nëntorin e vitit ’45 kur një mashkull me emrin, Middie Rivers, po shoqëronte një grup gjahtarësh për gjah.  Në një moment u nda nga grupi dhe më nuk e ka parë njeri. Është gjetur në lum vetëm një gëzhojë e armës së tij.

Më 1 dhjetor të vitit 1946, Paula Welden është nisur për një ecje në pyll. Është zhdukur pa shenja, dhe në tre vjetorin e zhdukjes së saj edhe James Tetford i cili po kthehej me autobus pas një vizite në familjen e tij, është zhdukur ndërsa çantën që kishte me vete i është gjetur në autobus.

Në çdo rast të zhdukjes, ngjarja zhvillohej nga 1 nëntori deri më 20 dhjetor.

5.Trekëndëshi Michigan

Kjo është një zonë për të cilën thuhej se është e banuar me fantazma dhe se ka karakteristika të ngjashme me Trekëndëshin e Bermudës. Aty janë zhdukur anije të shumta e madje janë parë edhe UFO.