Pesë viktima në Shkodër/ Ndoka: Zgjohu Zoti Kryeministër, filloje luftën me veten si fillim…
Pas ngjarjes së rëndë në Shkodër ku u vra biznesmeni 31 vjeçar kryetar i PDK, Nard Ndoka i bënë thirrje Edi Ramës të zgjohet, ti shpall luftë krimit dhe kriminelëve, atyre të rrugës dhe atyre qe i ka në parti e Kuvend, që ja ka sjell krimi , për të mbrojtur vetën me “avokatët e djallit” me mandat politik.
“Katër vrasje me pesë viktima në Shkodër, dy persona të zhdukur, tre automjete të djegura; ende asnjë autor i dyshuar, asnjë piste hetimi, asnjë motiv, asnjë përpjekje institucionale, asnjë shpresë për familjet shkodrane,” thekson Ndoka duke e pyetur Edi Ramën si lider i një partie dhe deputet i zonës se ku është shteti, ku është rendi e siguria, ku është përgjegjësia e tijj si Kryeministër.
“Zgjohu Zoti Kryeminister, filloje luftën me vetën dhe të tuat si fillim, me të tjerët të merret drejtësia, por pa avokatët e djallit nëpēr këmbë, të mandatuar nga vota e krimit.” i bënë thirrje kryeministrit, kryetari i PDK-së duke i kujtuar se qytetaria shkodrane vërtet nuk e don, por ky dënim është i rëndë për ta, këtë nuk do ta falin kurrë!
“Kuptoje këtë situate, po ta them si mik, si deputet i zgjedhur në Shkodër pesë herë, e njoh atë qytet, më ka mandatuar ti përfaqesoj.
Por të njoh edhe ty si njeri, si Kryeminister, ndaj gjej forcë dhe kurajo; shko në Shkodër, çliroje Drejtorinë e Policisë nga interferimi i krimit dhe drejtimi i përfaqësuesve të tu politikë,” thekson kryetari i PDK-së dhe deputeti, Nard Ndoka duke përfunduar:
“Kaq e thjeshtë është zgjidhja; por në keto kushte, sot e ke vetëm ti në dorë ta zgjidhësh, për fatin tonë të keq!
Shko në Shkodër Z.Kryeministër!”
Ja postimi i plotë:
Shko në Shkodër Z. Kryeministër!
Zgjohu Zoti Kryeminister,
Rendi dhe siguria nuk jane statistike numrash, por garanci dhe shpresë për të jetuar në këtë vend.
Zgjohu nga “gjumi”, çliroju nga demagogjia; qendro në krye të shtetit, qeveris dhe mos u tall me popullin tënd, që të vetmen shpresë ka shtetin që ta mbrojë.
Ku është shteti, ku është rendi e siguria, ku është përgjegjësia e juaj si KM?
Katër vrasje me pesë viktima në Shkodër, dy persona të zhdukur, tre automjete të djegura; ende asnjë autor i dyshuar, asnjë piste hetimi, asnjë motiv, asnjë përpjekje institucionale, asnjë shpresë për familjet shkodrane.
Sa tmerr, sa turp, sa mungesë përgjegjësie e profesionalizmi, sa frikë për sot e për nesër.
Kryeministri na thotë; se po mos të kishte ndodhur ngjarja kriminale në Selenicë, do ishim më mirë se vjet!
Sa ftohtë llogjikon, sa frikshëm, sa pa përgjegjësi; krimi nuk është statistike, por jetë njeriu Z.Kryeminister.
Leri të tjerët të merren me shifrat, por merru me fenomenin kriminal në rritje, që po zhduk shpresën në këtë vend.
Shpalli luftë krimit dhe kriminelëve, atyre të rrugës dhe atyre qe i ke në parti e Kuvend, që ti ka sjell krimi aty, për të mbrojtur vetën me “avokatët e djallit” me mandat politik.
Zgjohu Zoti Kryeminister, filloje luftën me vetën dhe të tuat si fillim, me të tjerët të merret drejtësia, por pa avokatët e djallit nëpēr këmbë, të mandatuar nga vota e krimit.
Qytetaria shkodrane vërtet nuk të don, por ky dënim është i rëndë për ta, këtë nuk do ta falin kurrë!
Kuptoje këtë situate, po ta them si mik, si deputet i zgjedhur në Shkodër pesë herë, e njoh atë qytet, më ka mandatuar ti përfaqesoj.
Por të njoh edhe ty si njeri, si Kryeminister, ndaj gjej forcë dhe kurajo; shko në Shkodër, çliroje Drejtorinë e Policisë nga interferimi i krimit dhe drejtimi i përfaqësuesve të tu politikë.
Kaq e thjeshtë është zgjidhja; por në keto kushte, sot e ke vetëm ti në dorë ta zgjidhësh, për fatin tonë të keq!
Shko në Shkodër Z.Kryeministër!
