Peshkonte në lumin e Brarit, humb jetën 19 vjeçari

Një 19 vjeçar nga Tirana ka humbur jetën teksa peshkonte me vëllezërit e tij. Ngjarja e rëndë ka ndodhur pasditen e sotme, ndërsa të riun e ka marrë rrjedha e lumit të Brarit në Tiranë.

“Rreth orës 18:15, shtetasi R Y. 19 vjeç, gjatë kohës që ka qenë duke peshkuar së bashku me dy vëllezërit e tij në lumin e “Brarit”, është marrë nga rrjedha e ujit të lumit ku për pasojë dhe është mbytur.

Në vendngjarje janë shërbimet e Policisë, si dhe janë njoftuar Polumbarët e Reneas për gjetjen e trupit”, thuhet në njoftimin paraprak të Policisë lidhur me ngjarjen.