Peter Sorensen sot në Kosovë, takime me Osmanin, Kurtin e Bislimin

I dërguari i ri i Bashkimit Evropian për dialogun, Peter Sorensen sot do të zhvillojë vizitën e tij të parë në Kosovë si përfaqësues i BE-së për këtë proces.

Peter Sorensen sot do të takohet në Prishtinë me Presidenten e Kosovës, Vjosa Osmani. Siç bënë të ditur Zyra e presidentes, takimi mes tyre do të nisë në ora 09:45.

“Presidentja e Republikës së Kosovës, Vjosa Osmani pret në takim Përfaqësuesin e ri të BE-së për Dialog, Peter Sørensen. Mediat mund të marrin pamje në fillim të takimit.

I dërguari i ri i Bashkimit Evropian për dialogun, Peter Sorensen, në orën 10:30 do të ketë takim edhe me kryeministrin e Republikës së Kosovës, Albin Kurti.

Pas takimi me kryeministrin Kurti, Përfaqësuesi i Posaçëm i Bashkimit Evropian për Dialogun Kosovë-Serbi, Peter Sørensen, do të pritet në takim edhe nga Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi.”

Ndryshe, diplomati nga Danimarka, Peter Sorensen, është zgjedhur Përfaqësuesi i posaçëm të BE për dialogun Kosovë-Serbi nga Përfaqësuesja e lartë e Bashkimit Evropian për Politikë të Jashtme dhe Siguri, Kaja Kallas, duke zëvendësuar Miroslav Lajçakun, të cilit mandati i skadoi më 31 janar.