“Pezullimi i Ballukut”, Gjykata Kushtetuese rrëzoi ankimimin e Edi Ramës, zbardhet Vendimi

Gjykata Kushtetuese ka zbardhur vendimin për çështjen “Balluku”, duke rrëzuar ankimimin e Kryeministrisë Edi Rama për pezullimin nga detyra të Ish-Zv/Kryeministres dhe Ministres së Infrastrukturës dhe Energjetikës, Belinda Balluku.

Gjykata Kushtetuese vlerëson se masa e pezullimit nga ushtrimi i detyrës publike, ndaj një ministri nuk mund të kërkojë autorizim paraprak të Kuvendit dhe nuk përfshihet në garancitë e imunitetit.

Po ashtu, Gjykata thekson se “duke parashikuar marrjen e autorizimit nga Kuvendi për zbatimin e masave që kufizojnë paraprakisht lirinë e deputetit, sipas jurisprudencës së Gjykatës Kushtetuese, synon të mbrojë veprimtarinë e vetë Kuvendit (jo të deputetëve të veçantë) për aq sa ajo mund të cenohet si rezultat i procedimeve penale me sfond politik ndaj deputetëve të veçantë.

Ndryshe, trupa e përbërë nga: Fiona Papajorgji, Kryetare, Marsida Xhaferllari, Sonila Bejtja, Ilir Toska, Genti Ibrahimi, Marjana Semini, Asim Vokshi, Sandër Beci, anëtarë, me sekretare Anjeza Puka, në datën 22 shkurt mori në shqyrtim në seancë plenare publike çështjen në fjalë, ndërsa vendosi lënien në fuqi të vendimit të GJKKO për pezullimin e Belinda Ballukut nga detyra.

Me këtë Vendim mori fund dhe drama e fyerjeve dhe kërcënimeve të Edi Ramës kundër Gjykatës Kushtetuese, ku u përfshi i gjithë onturazhi mediatik i Kryeministrit, duke e cilësuar vendimin e GJKKO edhe si puç kushtetuese.