Pezullohen fluturimet me Britaninë, Komiteti: Ora policore nga 20:30!

Shqipëria pezullon fluturimet me Britaninë e Madhe, ndërkohë që do të ketë rregulla të reja për ata që vijnë nga Britania e Madhe. Kështu u shpreh Ministrja e Shëndetësisë, Ogerta Manastirliu pas takimit të sotëm të Komitetit të ekspertëvre.

Ndërkohë Komiteti i Ekspertëve ka forcuar masat në kuadër të festave të fundvitit, për të frenuar përhapjen e koronavirusit. Kështu duke nisur nga data 24 dhjetor, ora policore do të aplikohet duke nisur nga 20:30, deri në 06:00 të mëngjesit. Kjo masë do të jetë në fuqi deri në datën 4 janar.

“Variani i ri më i transmetueshëm se virusi i mëparshëm. Çon në rritje të gjasave për përhapje më të shpejtë sidomos në këtë kohë të vitit.
Sa më sipër kemi vendosur pezullimimin e fluturimeve me Britaninë e Madhe nga e marta deri më 6 janar. 14 ditë karantinë për qytetarët që vijnë nga Britania e Madhe. Vendosja e izolimit të detyrueshëm vjen si një masë paraprale për të shmangur këtë infeksion të ri. Pas analizës së situatës nga komiteti i ekspertëve dhe nga të dhënat, nga vlerësimi i kryer mbi baza dinamike në dy javët e fundit, rezulton një incidencë 359 raste për 100 mijë banorë,” tha Manastirliu ndërkohë për orën e re policore sqaroi:

“Vlerësohet se përqindja e shtretërve të zënë është 23.5%. Sipas epidemiologëve situata paraqitet në kontroll. Zbatimi i masave nga të gjithë, mbetet thelbësor në kufizim. Jemi në gatishmëri të plotë. Do vazhdojmë të jemi në gatishmëri të plotë, për të gjitha ditët në këto 10 muaj. Po vazhdon gjurmimi i rasteve të dyshuara. Nga sot nga nisur dhe testimi i shpejtë që është shtrirë dhe në 6 pika shëndetësore në Tiranë. Kemi marrë disa vendime,” tha Ogerta Manastirliu duke përfunduar:

“Kemi vendosur kufizimin e lëvizjes së popullatës, nga orën 20:30, deri në 6 të mëngjesit. Nga 24 dhjetori, deri në 4 janar.”