Pikat kufitare, sërish kolona të gjata të automjeteve në dalje nga Kosova

Tashmë dihet se për të hyrë në Kosovë çdo qytetar duhet të ketë çertifikatë që është vaksinuar ose test PCR negativ për koronavirus. E ky vendim ka bërë që sërish në pikat kufitare të kthehen kolonat e automjeteve.

Kolona të gjata në orët e mëngjesit të sotëm raportohen në dalje të pikës kufitare në Vërmicë, Dheu i Bardhë dhe Merdar.

Sipas Qendrës Kombëtare për Menaxhim Kufitar, deri në orën 08:28 kolonat në dalje të këtyre tri pikave kufitare deri në 500 metra, kurse në hyrje nuk ka pasur kolona.

Pritjet kanë qenë deri në 40 minuta.

Ndryshe, të gjithë qytetarët që duan të hyjnë në territorin e Kosovës, qoftë nga Shqipëria, por edhe vendet e tjera iu duhet dëshmia e vaksinimit ose testi RT-PCR, i kryer jo më larg se në 72 orët e fundit.