Plani B/ Kërcënimi, Edi Rama: Sharlatanët jashtë Universitetit, gati të ndërhyjmë…
Nuk dihet ende se cili është angazhimi i Kryeministri Edi Rama në plotësimin e kërkesave të studentëve, por pas paralajmërimit të studnetëve dhe me rastin e
Prezantimit të bibliotekës dixhitale për universitetet, ai sikur gjeti fajtorin pse ka ngecur plotësimi i kërkesave të studentëve, të cilat ishin parashtruar në protestat e dhjetorit.
Duke u ndalur tek ato që i cilësoi tre pikat jetike për kalimin e universitetve në një stad tjetër, transparenca e titujve akademikë vlerësimi nga ana e studentëve për performacën e pedagogëve dhe shqetësimi i studentëve për tregun e shitje së librave të pedagogëve në kërkim të notës, ai bëri atë që ja pranojnë si opozita ashtu dhe mazhoranca se e bënë në perfeksion: mashtroi, akzuoi dhe kërcënoi!
Dhe jo vetëm kaq! Paralajmëroi se ka gati Planin B, me ndërhyrjen e Qeverisë nëse vetë Rektorati nuk do të rivlerësojë titujt akademikë të pedagogëve, të cilët nuk nguroi t’i quajë edhe “sharlatanë”
“Na duhet të biem dakord që sharlatanët duhet ti nxjerrim jashtë universitetit. Nuk di çfarë emri ti vë tjetër për këta njerëz që shiten si doktorë shkencash. Jam shumë i dëshiruar që të mos lind nevoja që ne të ndërhyjmë në ligj për të marrë në kontroll një zonë që i takon autonomisë universitare. Nuk do të ketë harresë dhe nuk do të ketë bllokim të procesit të vlerësimit të titujve akademikë. Sharlatanët duhet t’i nxjerrim nga universiteti. Ne po përgatitemi për planin B. Nuk mund ti lëmë studentët në këtë situatë që ka brenda një dozë të madhe farse dhe falsiteti, përderisa e dimë do gjejmë mënyrën të ndërhyjmë.
Arsyet për rinisjen e protestave të studentëve nuk I gjeti tek vetja, që nuk e ka plotësuar asnjërin nga kushtet themelore, por tek ata, siç i quajti Kryeministri, që duan të krijojnë trazira, dh esipas tij jo çdo kërkesë e tyre lidhet me qeverinë:
“Kush kujton se do të kërcënojë qeverinë me inskenime protestesash apo krijime situatash që turbullojnë gjëndjen e brendshme të universitetit me demek për këtë e për atë, por ndërkohë, në fakt, për tiu shmangur kësja e ka gabim. Ne jemi këtu për të bërë reformat dhe për të çuar ata deri në fund. Nuk jemi këtu për të siguruar reforma në karrige, jemi këtu për të bërë detyrën dhe protesta e studentëve ishte një shtysë shumë e rëndësishme.”
Dhe, meqë vetëm Kryeministri Edi Rama nuk është fajtor në këtë vend, ai u gjet, është Rektori i Universitetit të Tiranës, Mynyr Koni, I cili sipas Edi Ramës po pengon procesin e vlerësimit të titujve akademikë por dhe procesin e realizimit të kërkesave të studentëve pas protestës së dhjetorit.
“Kemi rezerva lidhur me drejtimin e Universitetit të Tiranës. Është koha për ta adresuar imkompetencën e plotë dhe mungesën e vullnetit alarmant të konstatuar nga ana e Rektorit të Universitetit të Tiranës, është e papranueshme. Ka ardhur koha që ti referohemi ligjit për arsimin e lartë dhe të hapim një proces transparent për të adresuar këtë problem. Rektorati i Universitetit të Tiranës është vendi për të gjetur zgjidhje dhe jo vendi ku problemet krijohen e zgjidhjet pengohen.
Rektorati bën sikur nuk dëgjon dhe sikur nuk kupton. Të mos lindë nevoja që ne të ndërhyjmë në ligj për të marrë nën kontroll një zonë që i takon autonomisë, por ne nuk mund ti lëmë fatin e fëmijëve në dorë të atyre që nuk duan në asnjë mënyrë që të hapin këtë proces dhe kanë frikë nga vlerësmi i titullit të tyre akademik.
Lutja ime është të nisë puna për vlerësimin e titujve akademikë, të gjendet procedura dhe të përcaktohet metoda. Ne jemi në dispozicion si mbështetës. Nuk përcaktojmë as metodën dhe as shpejtësinë por teatrin e “pritjes së Godosë” për këtë çështje nuk jemi të prirur ta vazhdojmë për një kohë të gjatë. Do të veprojmë në kushtet kur nuk ka një reagim.” Në momentin kur filluan ti parashtrohen pyetjet Kryeministrit Edi Rama ai u distancu anga përgjigjet duke paralajmëruar një debat publik për të martën në mëngjes.
