Plani i masave/ Deri në shpikjen e vaksinës Anti-COVID-19, lëvizja qytetare në duart e Edi Ramës

Kryeministri Edi Rama paralajmëroi për javën e ardhshme hartimin e një plani të masave duke u bazuar në hartën e shtrirjes së virusit COVID-19, ku më shumë lehtësime gëzojnë zonat me rrisk të ulët, por gjithashtu paralajmëroi se strategjia e Shqipërisë për hapjen pas epidemisë do të jetë ndryshe nga vendet e tjera.

“Faza dy e strategjisë tonë të luftës me këtë armik nuk ndryshon shumë me vendet e tjera, por qasja jonë në këtë fazë do të jetë pak më ndryshe. Do të filloj nga Pse-ja!

Ne jemi të ekspozuar nga mundësia që ai të na godasë përsëri, prandaj mblidheni mendjen top se deri kur të dalë vaksina do të jemi në çdo moment të vëmendshëm si shoqëri të mos goditemi.

Deri në daljen e vaksinës normaliteti unë i ri nuk do të ngjajë me atë të mëparshmin,” tha Edi Rama duke e bërë të qartë se jo gjithçka është lëvizje, jo gjithçka është e-albania dhe duhet ta dëgjojnë me kujdes se ku mund të shkelin:

“Ne nuk duhet të shkelim në shtëpitë e njëri-tjetrit pa u zhdukur më parë ky armik.

Ne do të përdorim një taktikë të coptimit të valës së armikut në fazën e dytë. Do të hapemi me kujdes dhe do të hapemi kudo, por jo kudo njësoj dhe njëkohësisht.

Ne hymë në grupin e vendeve më të sukseshme aktualisht.”

Ndonëse bujqësisë i është dhënë priroitet në kohën e COVID-19 kudo në botë, në Shqipëri nuk ishte dhe Kryeministri e qartësoj se as që do të jetë dhe gjithçka varet nëse jetojnë në zonat me rrisk të ulët, gjë të cilën poashtu e përcakton qeveria.

“Kjo qasje do të lehtësojë shumë në zona të ndryshme lëvizjen e këmbë apo automjete, pa detyruar një zonë me rrisk të ulët, që të qëndrojë mbyllur si një zonë me rrisk të lartë.

Brenda bashkive mund të heqim disa lehtësime. Si zonat e fshatit që mund të shkojnë në qytet apo dhe fashat e orareve s’mund të jenë njësoj si në zonat e me rrisk të lartë dhe ato të ulët.

Masat e shtrënguara në një zonë me rrisk të lartë dhe respektimi i masave, mund ta kthejmë ata në zonë me rrisk të ulët. Javën e ardhme, në bazën e hartës, do të përpilojmë një lehtësim në zonat me rrisk të ulët, në krahasim me atë pjesën tjetër.”

Për ata që nuk po e kuptojnë jo vetëm sot por që nga viti 2013, ai vazhdoi:

“Nëse hapemi kudo njësoj e njëkohësisht rrezikojmë ta zgjerojmë e jo ngushtojmë fushën e veprimit të armikut që do i kushtonte padrejtësisht kthim të të gjithëve mbrapa se numri i të infektuarve e mos o Zot i të vdekurve duke u hapur të gjithë njësoj kudo rritet përtej një niveli garancie për sistemin shëndetësor.”

Dhe, merr shembull, aty ku është i jashtëzakonshëm për të ngatërruar edhe ata që pak e kutpojnë:

“Përshembull në Gjirokastër apo Dibër ku risku është sot për sot shumë i ulët mund të kemi më shumë lehtësim.

Në Krujë asnjë lehtësim. Apo në qytete si Tirana e Durrësi që kanë intensitet popullate një lehtësim të moderuar. Këto zona mund të variojnë në bazë të dinamikës së luftës shifrave e sjelljes së qytetarëve në raport me rregullat,” tha Kryeministri Edi Rama ndonëse pse janë bërë zona të tilla fajtor kryesor është qeveria me masat e munguara të saj në boshtin Tiranë-Durrës nuk reagoi me shpërthimin e pandemisë dhe lejoi funksionimin e dy porteve kryesore, atë ajror në Tiranë dhe detar në Durrës, për ta importuar COVID-19 dhe sot kabineti qeveritar nuk ka kufizime në lëvizje por banorët e zonave që pësuan nga keqmenaxhimi.

Histori në vete është Kruja! Për shumë arsye opozita ka kërkuar mbylljen e fasonerive dhe pa asnjë arsye qeveria i la të hapura. Sot, kur koronavirusi u fut dhe bën namin në fasoneri, që për fatin e keq të krutanëve ato janë në Krujë, sot nuk pëson Edi Rama me kabinetin e tij qeveritar por ata që ishin në rrezik nga virusi dhe tashmë janë prekur duke krijuar dhe një vatër rreziku.

Por Kryeministri Edi Rama nuk ndryshon kursin me gjithë gabimet pa fund, vazhdon dhe jeo urdhëra dhe konstaton nga Facebook-u:

“Kjo qasje do na mësojë gjatë majit e do na garantojë hapje shumë të sigurt që mos kthehemi mbrapsht se u rrit shpejt kudo efekti i valës goditëse e nga ana tjetër, edhe fashat orare s’kanë pse të jenë të njëjta në zonat me risk të ulët apo ato me risk të lartë”.

Në fund, Edi Rama ka një qasje të re edhe për biznesin. Ndonëse kurrë nuk ishte miqësor me biznesin si Ministër Kulture, Kryetar Bashkie dhe sot Kryeministër u jep leksione ekonomie dhe finance. Si e konceptonte Enver Hoxha kapitalizmin dihet, por nuk ka komunist në këtë planet përveç Kryeministri Edi Rama që i thotë një pronari të një biznesi se nuk duhet ta hap dyqanit për të fituar lekë:

“Sot nuk shkohet më në punë si deri dje për të hap dyqanin e për të bërë lekë, mos i hapni dyert e mos i ngrini qepenat pa marrë vërtetimin që mund të punoni e protokollin për kategorinë e biznesit tuaj.”

Si merret vërtetimi, këtë nuk e ka idenë Kryeministri Edi Rama vetëm përsërit e-albania, dhe as këtu shqiptarët nuk kanë fat.

Ndryshe, po të kishin fat, ky kabinet qeveritar do të aplikonte si shumica e qytetarëve në e-albania dhe ekonomia e Shqipërisë do të lulëzonte sepse të paktën 80 për qind prej tyre nuk do të kishin akses në këtë portal primitiv, dhe nuk do të mund të lëviznin jo me makinë ose në këmbë por as deri në ballkon.