Plani i veprimit ekonomik në Ballkanin Perëndimor, RCC: Ja pritshmëritë për 2018

Udhëheqësit e Ballkanit Perëndimor miratuan vitin e shkuar planin shumëvjeçar të veprimit për një zonë ekonomike rajonale në Ballkanin Perëndimor Gjashtë,  MAP, në samitin e procesit të Berlinit të mbajtur në Trieste.

MAP, zhvillimi i të cilit u koordinua nga RCC me kërkesë të Udhëheqësve të BB dhe mbështetur nga Komisioni Europian (KE), synon të mundësojë lëvizjen e lirë të mallrave, shërbimeve, kapitalit dhe fuqisë punëtore me kualifikim të lartë; duke e bërë rajonin më tërheqës për investime dhe tregti; duke përshpejtuar konvergjencën me BE-në, duke sjellë kështu prosperitet për qytetarët e Ballkanit Perëndimor.

Përmes një publikimi të fundit, Këshilli Rajonal i Bashkëpunimit (RCC), pjesë e KE, ka bërë të njohura pritshmëritë për këtë vit.

Pritshmëritë për vitin 2018, sipas programit janë:

– Organizimi i një samiti ambicioz të nivelit të lartë WB6 Digital, i organizuar në bashkëpunim me KE dhe qeverinë federale gjermane, për të nisur një dialog rajonal me shumë palë për sfidat dhe perspektivat e transformimit dixhital të BB

– Një plan i qartë për uljen e kostove ndërkombëtare të roaming-ut me BE-në

– Fillimi i negociatave formale për njohjen e kualifikimeve profesionale dhe akademike

– Është rënë dakord një promovim i përbashkët i investimeve rajonale, me një fokus të drejtuar drejt aktiviteteve për investime në sektorët kryesorë, në bashkëpunim të ngushtë me Bankën Botërore dhe KE.

– Zhvillimi i axhendës rajonale të reformës së investimeve; çështjet prioritare në politikat përkatëse të investimeve dhe një inventar gjithëpërfshirës i barrierave dhe elementëve frenues të politikës kryesore të investimeve të përpiluara

– Hyrja në kohë e Protokollit Shtesë 5 mbi lehtësimin e tregtisë

– Miratimi i Protokollit Shtesë 6 mbi liberalizimin e tregtisë së shërbimeve

RCC rikujton se veprimet e MAP-it synojnë të ndihmojnë sektorin privat të korrin ekonomitë e shkallës së një tregu prej 20 milionë dollarësh dhe të rifokusojnë modelin e rritjes drejt një projektimi afatgjatë. Veprimet janë të përqendruara në:

a)nxitja e integrimit të mëtejshëm të tregtisë

-futja e një hapësire të investimeve rajonale dinamike;

-lehtësimi i mobilitetit rajonal;

b)krijimin e një axhende integruese dixhitale.

/Monitor/