Plani me 10 Pika, Vuçiç: Pjesa më e vështirë, mos kundërshtimi i Kosovës për anëtarësim në OKB

Sot Presidenti Aleksandar Vuçiç, para deputetëve të Parlamentit të Serbisë nuk tha asgjë më shumë se sa kishte thënë në Beograd dhe Bruksel, vetëm se e pranoi edhe sot se pjesa më e vështirë e planit franko-gjerman për zgjidhjen e çështjes së Kosovës është Pika 4. ku thuhet se Serbia nuk duhet ta kundërshtoj anëtarësimin e Kosovën në organizatat ndërkombëtare”, dhe, shpalosi planin me 10 pika të politikës serbe për periudhën e ardhshme.

“Qëllimi i sotëm është të dalë para juve, qytetarëve të Serbisë dhe të ndajë atë që e pret popullin dhe me çfarë po përballemi.

Sot do të flas për pikat më të këqija të ashtuquajturës iniciativë franko-gjermane dhe nuk dua ta fshehë. Pra, nuk dua t’ju flasë për disa gjëra të bukura nga plani por ato më të këqijat për Serbinë, sepse dua të jem i ndërgjegjshëm dhe i ndershëm ndaj qytetarëve të Serbisë,” tha Vuçiç duke i siguruar se Presidenti, Qeveria dhe Parlamenti nuk kanë se çfarë të fshehin nga ata.

Ka shumë pyetje rreth Kosovës, më shumë se 600 vjetë vazhdojnë, dhe shumë pak përgjigje, tha Vuçiç ndërsa i shtoi fjalimit edhe doza morali ndonëse ata që kishte përballë i kishin të qarta mashtrimet që servir.

“A kemi menduar ndonjëherë se çfarë kemi bërë apo Kosova është shënjestër për qërime të hesapeve politike. Për mua Kosova është më shumë se aq,” tha Presidenti i Serbisë duke e bërë të qartë se nuk mund ta shpalos të plotë planin franko-gjerman por gjërat më të këqija do ti bëjë publike.

“Sot jemi prezent në njëfarë lloj lufte të tretë botërore e cila do jetë më e madhe në muajt në vijim. Ky konflikt do jetë më i vështirë dhe më i madh. Kur ta kemi këtë parasysh, e kemi të qartë se disa të vegjël nuk mund të kenë liri aq sa duan, që të kenë si për jetë edhe për marrjen e vendimeve.

Në pjesën tjetër të botës kjo nuk ekziston, gjithandej është censurë. Si të vegjël nuk mund ta keni qëndrimin tuaj. Nuk mund të jeni neutral rreth kësaj çështje, që të shkëputeni, sepse nuk do t’ju lejojnë,” tha Vuçiç duke vazhduar me rrëfimin e itinerarit deri në këtë situatë.

Ofensiva politike e Prishtinës

“Nga momenti i shërthimit të konfliktit ushtarak në Ukrainë më 24 shkurt 2022 ekziston një ofensivë politike e Prishtinës së bashku me aleatët perëndimor për ndryshimin e qëndrimit në terren. Nga premtimi i Quintit dhe BE se do të bëjnë gjithçka për ti mundësuar popullit tonë të marrë pjesë në zgjedhje, dhe kundërshtimit të Kurtit që ta bëjë një gjë të tillë. Kanë menduar se do të ndikojnë në zgjedhjet në Serbi. Pastaj filluan gjërat edhe më të këqija,” tha Vuçiç duke akuzuar palën kosovare se kurrë nuk ishin të hapur.

Na shikonin si armiq, e ne nuk e kuptonim këtë qasje agresive me dëshirën që të mos vazhdoj shtypja e popullit tonë,” tha Presidenti i Serbisë i habitur pas krimeve 100 vjeçare sebe pse trajtohen armiq nga shqiptarët dhe iu rikthye realitetit duke akuzuar sërish palën kosovare se refuzon themelimin e Asociacionit.

“Prishtina nuk dëshiron të themelohet Asociacioni i komunave me shumicë serbe në Kosovë edhe pse e parashikon marrëveshja e Brukselit nga viti 2013, por vetëm të nisin konflikt ushtarak dhe Serbinë ta fusin në konflikt me NATO-n dhe gjithë botën, dhe veten ta prezantojnë si viktimë dhe Zelenskyyn Ballkanik,” tha Vuçiç duke harruar se nga viti 1998 ishte dhe mbeti luftënxitësi më i madh në Evropën Juglindore!

E gjithë loja, sipas tij, ishte fillimi i arrestimeve të serbëve, barrikadat dhe tërheqja nga institucionet për të shpallë zgjedhjet në dhjetor, ndonëse e kishte të qartë se ata që i kishte përballë e dinin që po gënjente.

Plani franko-gjerman, 90% është i saktë nga ajo që është publikuar

Lidhur me planin franko-gjerman tha se 90 për qind e asaj që është publikuar është e vërtetë ndërsa shtoi se kjo është bërë nga disa persona të bashkësisë ndërkombëtare, por nuk sqaroi se pse ky publikim u bë nga mediat që i kontrollon vetë ai dhe Edi Rama.

“Plani që më është dhënë nuk është publikuar, por ka shumë pak dallime. Pra, dikush tjetër ka pasur dëshirë që ai të publikohet dhe natyrisht nga ana e Prishtinës për të mos shkaktuar histeri në Beograd, për të mos dalë sërish çuna të mirë, e serbët fajtorë për të gjitha,” tha Vuçiç duke ia filluar me gjënë e mirë për Serbinë, preambulën, që është dhe katastrofë për palën kosovare.

“Duke filluar nga faktet historike dhe duke mos dyshuar qëndrimet e kundërta të palëve në çështjet fundamentale, duke përfshirë çështjet e statusit,” citon i lumtur preambulën duke shtuar:

“Për herë të parë po ju mundësohet serbëve që ndryshe të shikojnë çështjen e statusit të Kosovës në krahasim me atë që ata e quajnë Kosovë dhe ne Prishtinë.”

Vend të veçantë në fjalimin e tij i kushtoi Pikës 4. ku thuhet se “Serbia nuk do ta kundërshtoi anëtarësimin e Kosovës në cilëndo organizatë ndërkombëtare”.

“Ta kundërshtojmë ose jo Këshillin e Evropës, në momentin kur ata do të vendosin, do ta kenë shumicën. Ta kundërshtojmë ose jo NATO-n, do ta kenë shumicën. Ta kundërshtojmë ose jo Bashkimin Evropian, ky është vendimi i tyre,” tha Vuçiç duke pranuar se kishte dëgjuar dhe marrëzira sikur ne do ti ndalojmë të anëtarësohet Kosova në NATO, aq është e pakuptueshme por populli duhet ta dëgjoi, e pranoi më fund Presidenti i Serbisë ashtu si dhe faktin se ky është dhe problemi më i madh i planit franko-gjerman.

“Sapo e kam lexuar e kisha të qartë se për çfarë bëhet fjalë, jemi para zgjidhjes, cilat janë pasojat dhe cila është përzgjedhja jonën

Ramë dakord që fillimisht të zbatohet obligimi i Marrëveshjes së Brukselit, e kjo është Asociacioni i komunave me shumicë serbe, që shqiptarët nuk duan ta zbatojnë,” tha Vuçiç duke u shprehur nga foltorja e parlamentit se Asociacioni nuk mund të një mode i organizatës joqeveritare, por ajo që është firmosur në Bruksel.

Plani me 10 Pika

Se si do të veproi Serbia, pra, ai, Aleksandar Vuçiç shpalosi 10 Pika të politikës serbe në ardhmen.

Pika 1. Politika e Serbisë në periudhën e ardhshme do jetë që në çdo mënyrë dhe me çdo çmim që të ruajmë paqen dhe stabilitetin, të përmbahemi dhe të mos përgjigjemi në provokime vetëm në rast se cenohen pasuria dhe jeta e njerëzve si në vitin.

Pika 2. Vendosmëria për themelimin e Asociacionit i cili duhet të jetë korniza juridike dhe fizike e të drejtave të popullit tonë në Kosovë.

“Që të mos mendojmë se si do të ndalojnë ilaçet, si do të vijnë ushqimet, gazetat etj.” saktësoi Vuçiç.

Pika 3. Siguria për serbët në Kosovë. Siguria për serbët është pjesë edhe e pikës për paqe dhe stabilitet dhe pikës për Asociacion.

“Siguri është që askush të mos mendoj kur ta çoj fëmijën në shkollë, që mund të merremi me çështje tjera,” shtoi Presidenti i Serbisë.

Pika 4. Jetë më të mirë për popullin tonë në Kosovë.

“Shumë para investojmë, shumë investime, gati 900 milionë euro,” tha Vuçiç.

Pika 5. Për dallim nga ata që bërtasin parulla, tha Vuçiç, Serbia do të bisedoj edhe për dokumentat më të këqinj, sepse Serbia nuk ka të drejtë të përsëris përvojat nga e kaluara.

“Që të bisedohet, negociohet, për të gjitha çështjet kryesore, të bisedojmë për simbolet, të bisedojmë për gjithçka, se si do të përfaqësohen në shumë organe,” tha Presidenti i Serbisë.

Pika 6. Ruajtja e interesave vitale, shtetërore dhe kombëtare.

“Do të vazhdojmë të ruajmë neutralitetin ushtarak, që ta mbrojmë dhe ndërtojmë ushtrinë. Sot është 15 herë më e fortë se sa që ishte. Çështja tjetër është ruajtja e vendimeve tona të pavarura. Që në këto vendime të mos përzihet askush si nga lindja ashtu dhe perëndimi, që vendimet politike të merren vetëm në Serbi dhe kurrë jashtë Serbisë. Pika e tretë e kësaj pike është respektimi i Kushtetutës së Serbisë,” theksoi Vuçiç.

Pika 7. Interesi jetësor i Serbisë është të mbetemi në rrugën evropiani.

“Gënjejnë kur thonë se 43 për qind e serbëve mendojnë që ne të mbetemi në rrugën evropiane, përqindja është shumë më e vogël. Rruga evropiane do të thotë shumë gjëra për Serbinë, investime dhe standarde, rroga dhe pensione. Presim që deri në fund të vitit paga të jetë mbi 800 euro. Kjo rrugë na duhet sepse sot jetojmë në tjetër realitet. Ne sot jemi të rrethuar nga shtetet që në NATO ose NATO është atje. Edhe në pjesën e territorit tonë është NATO. E ku do të shkojmë në rast të një konflikti, si të ruajmë pagat dhe pensionet. Shumë përpjekje kemi bërë.”

Pika 8. Rritja e Serbisë – shëndetësia, energjetikam ushqimi dhe ushtria. Ushqim ka gjithnjë e më pak, dhe ajo është bartëse e inflacionit kudo. Sot kemi në depo vetëm sasi rekord të qymyrit, sasi rekord të gazit. Kemi sasi rekord të akumuluara të energjisë, mbi 500 GW/orë. Ushtria duhet të jetë më e fuqishme. Ushtria e ka ruajtur popullin tonë në Kosovë, sepse e kanë ditur se nuk do ta lejojmë dëbimin. Na duhet zhvillimi i shëndetësisë, ilaçet e reja deri tek qendrat reja klinike.

Pika 9. Vazhdimi i bisedimeve

“Unë kam thënë se vazhdojmë bisedimet, asgjë nuk kam firmosur. Kam konsideruar se për shkak të rinjëve, që ju duhen investimet, fabrikat, qendrat e reja teknologjike, kompanitë, na duhet që këta njerëz ti mbajmë këtu. Sot Serbia ka zyrtarisht më shumë banorë se Bullgaria, me siguri për herë të parë,” tha Vuçiç i lumtur për këtë fakt por pa shprehur pretendime tjera për momentin, ndërsa shtoi:

“A do të ishim paria evropiane, po do të ishim, plotësisht të izoluar dhe me të cilëst askush nuk do të bisedonte. Nuk mund të funksiononi vetë.”

Pika 10. Kemi Programin Serbia 2025, edhe rrogat do rriten.

“Problemet demografike mund ti prekim pjesërisht nëse sillemi me ndërgjegje,” tha Vuçiç duke e pranuar momentin delikat në të cilin ndodhet Serbia.

“Nga njëra anë duhet ta ndihmojmë popullin në Kosovë dhe të kujdesemi për interesat tona vitale,” tha Presidenti i Serbisë, Aleksandar Vuçiç, duke e mbyllë Planin e tij me 10 Pika se në mes të pushtetit dhe mandatit që i garantohet me Kushtetutë ai e ka të qartë se çfarë do të bëjë:

“Nuk ekziston zgjedhja Vuçiç ose Serbia, sepse Vuçiç është gjithmonë në anën e Serbisë!”

Ky fund populist u prit me duartrokitje nga deputetët e partisë së tij që nuk ju interesonte se çfarë po thotë por kush po e thotë, dhe po me këtë logjikë u prit nga kundërshtarët politik, që, për gjithçka sa u tha, u cilësua, tradhtarë!