Plas “bomba” tek Spanja, trajneri mund të shkarkohet para Botërorit…

Mediat spanjolle raportojnë se trajneri i kombëtares së Spanjës Julien Lopetegui mund të shkarkohet nga detyra.

Lajmi botohet një ditë para nisjes së kompeticionit më të rëndësishëm në futboll, Kupës së Botës.

Mediat raportojnë se drejtuesit e federatës spanjolle të futbollit ndihen të tradhëtuar për akordin e trajnerit me Realin e Madridit.

E përditshmja spanjolle “ Marca” raporton se mbrëmë ka pasur një mbledhje me stafin drejtues të Federatës, për të vendosur fatin e Lopeteguit. Mësohet se shumica e drejtuesve ishte pro shkarkimit.
Trajneri nuk e kishte paralajmëruar presidentin Rubiales për negociatat me Realin.