Platforma Antimafia/ Balla: Basha gjobaxhiu më i madh, Panariti ndihmoi Balilët…
Kryetari i grupit parlamentar të PS-së Taulant Balla, i ka mbajtë ison shefit duke sulmuar opozitën nga foltorja e Parlamentit ndërsa ajo po shpaloste Platformën Antimafia. Balla tha se Basha nuk mund të flasë për oligarkët pasi është gjobaxhiu më i madh i tyre, ndërsa përgjigja nga lideri i opozitës ishte e thjeshtë: Shpifës me vendim Gjykate!
“S’mund të flasë për oligarkët gjobaxhiu më i madh i tyre, Lulzim Basha. Kompania e kunatit e bashkëshortes së Bashës jep konsulenca oligarkëve. A është kjo gjobë z. Basha? Unë mendoj që po. Të sqarojë Luli si fillim marrëdhëniet e tij me oligarkët. S’dihet ende kush paguan faturat e mbledhjeve të tua nëpër hotele,” shtoi ai duke u ndaluar te nisma e mëshuar fort nga PD për vetingun në politikë: “Sa për vettingun e politikës nuk ka asnjë zgjidhje tjetër më të mirë se sa SPAK & BKH. Nënvizoj kërkesën tonë të bëjmë një audit të plotë për tokat e dhëna me qera. Ato që nuk janë shfrytëzuar duhet t’i kthehen shtetit që t’i vendosë në dispozicion të ekonomisë shtetërore,” tha Balla.
Për këto akuza, lideri i opozitës, Lulzim Basha tha se si mund ti quash kur vijnë nga një shpifës me vendim gjykate. Duke folur në emisionin Open në TCH, sa për të afërmit e tij Basha tha nuk kanë kompani konsulence asnjvri prej tyre
Por Balla hodhi akuza edhe ndaj ish-ministrit Edmond Panariti dhe në vjelljen e tij të rradhës ngatërroi paksa ndarjjene pushteteve. Me motorët e tij të ndezur të broçkullave, Balla harroi se Panariti ishte ministër i Rilindjes por nuk e kursei dhe me gjuhën e një hetuesit të tipit Xhafaj, duke harruar edhe Reformën në Drejtësi, mori përsipër edhe skuestrot që i vendosi Gjykata ndaj Balilëve:
“Panariti firmosi kontratë qiraje toke për Balilët. Ne u sekuestrojmë hotelet po nuk ju marrim dot tokën, sepse kontratën e kanë qepur mirë. Duhet të gjejmë zgjidhje ligjore për t’u anuluar kontratat. Në Belsh liqenet janë dhënë me qira për peshk sipas kontratës që ka dhënë ish-aleati ynë. Në qendër të Belshit peshqit ushqehen me gëlasa pulash. Këto duhen prishur, z.ministër”, tha Balla.
Ministri i Edi Ramës, Edmond Panariti që vinte nga rradhët e LSI, shpenzoi ca energji kot dhe shumë shpejtë e përgënjeshtroi Taulant Ballën.
