Po bëhet një studim, Rama: Familjet e pasura të paguajnë më shumë për çmimin e energjisë

Ministria e Energjisë po bën një studim që familjet e pasura të paguajnë më shumë për çmimin e energjisë, deklaroi kryeministri Edi Rama gjatë fjalës së tij në Parlament.

“Nuk do e rrisim çmimin e energjisë elektrike. Ndërkohë ministria e Energjisë po bën një studim për familjet e pasura, jo për të rikthyer fashat e tmerrshme që na çuan në katastrofë totale dhe na lanë në buzë të humnerës në vitin 2013 për të parë nëse mund të bëjmë një ndarje të përkohshme ku ata që kanë më shumë të paguajnë më shumë në faturën e energjisë elektrike.

Asnjë familje të mos ketë kosto rritje për çmimin e energjisë, ku ne do të vazhdojmë të paguajmë diferencën, e cila sipas javëve dhe muajve është nga dyfish, mund të shkoj edhe 3-4 fish. Aspekti i tjetër i Paketës është mbështetja e atyre që kanë më shumë nevojë.

Në këndvështrimin tonë njësojë si familjet është edhe gjithë komuniteti i biznesit të vogël, një komunitet që duhet mbrojtur me çdo kush nga rritja e energjisë. Sepse mesatarja e ulët e rritjes së mundshme së faturës së energjisë elektrike për biznesin e vogël është 350- 400 mijë lekë të vjetra, që do të thotë një vend pune në atë biznes ikën, që do të thotë 95 mijë të papunë të nesërmen, dhe ne këtë nuk do ta lejojmë”./Monitor/