Po mbetemi pa Gjykata? Rama: Më mirë djepi bosh se shejtani brenda…

Kryeministri Edi Rama ka reaguar sërisht përmes një komenti në rrjetet sociale lidhur me akuzat e opozitës për proçesin e Vettingut.

Gjatë ditëve të fundit, përfaqësues të opozitës, kanë denoncuar standardet e dyfishta që përdoren gjatë vendimmarrjes nga institucionet e Vettingut, por Kryeministri Edi Rama në përgjigjen e tij e konsideron proçesin si pastrim të Pallatit të Drejtësisë.

“Po mbetemi pa gjykata të sipërme? Jo! Po operojmë organizma të kancerizuar që e degraduan deri në kockë drejtësinë. Më mirë djepi bosh se shejtani brenda! Ky pastrim është shpëtim për dekada e breza që vijnë,rilindja e këtyre gjykatave është vetëm çështje e më pak se një vit”, shkruan Rama.