“Po përçani veriun nga jugu!” Berisha: Shiko çfarë thotë! Po pse rruga Lezhë-Shkodër u la në mëshirë të fatit!

Pas një qeverisje nëntë vjeçare plotësisht antiveriore, Qeveria e Edi Ramës nuk pranon as edhe një kritikë edhe në rastet kur një ligjvënës ka vërejtje kur diskutohet buxheti i shtetit dhe shpërndarja e tij, ndonëse qeveria socialiste vazhdon të diskriminoj gjithçka që frymon në veri, nga Fushë Kruja deri në Urën mbi lumin Ibër në Mitrovicë!

Kjo ndodhi dhe sot gjatë debatit parlamentar për buxhetin 2023 kur u kërkua renta e energjisë për zonat ku janë HEC-et që mbajnë vendin me energji dhe eksportimin e saj, ku ministria e financave përveç se e përçmoi kërkesën në mënyrën më të keqe të mundshme, përgjigjen e kishte ashtu siç do ta thoshte shefi i saj, Edi Rama:

Po përçani veriun nga jugu!

I menjëhershëm ishte reagimi i Kryetarit të Partisë Demokratike, Sali Berisha, duke i folur me shembuj konkret ndërsa arsyetoj dhe kërkesën:

“Po ka mendje njerëzore në Shqipëri që t’i lejojë vetes që të investojë 350 milionë euro Lekaj-Fier, në një rrugë që nuk ka absolutisht asnjë problemë trafiku, përveç rrethrrotullimit afër Kolonjës së Lushnjës, në një kohë kur rruga, me trafik më të madh pas Rrugës së Kombit, rruga Lezhë-Shkodër lihet në mëshirë të fatit, dhe habitet kjo, habitet, që kryeson pas Ramës tani pas vjedhjeve në Shqipëri. Sepse flitet për hidrocentralet. Shet injorancë dhe hajni këtu,” tha Sali Berisha duke i kujtuar aktin e turpshëm dhe korruptiv të heqjes së rentës nga Edi Rama:

“Një kusht i Organizatës së Federuar në OKB. Dhe kjo habitet, kërkoni edhe shpërblim për energjinë që prodhon. Po si të mos kërkojë shpërblim ai? Që ia ke transformuar jetën me liqenin që ke ndërtuar aty. Shet injorancë. Po hajnia të verbon mo. Hajnia s’të lejon me pa asgjë! Të dëgjosh asgjë!” tha Kryetari i Partisë Demokratike, Sali Berisha, duke përfunduar:

“Po si mund të thotë një ministre, më thoni ju mua, pretendoni të përfitoni nga energjia. Po s’do mend çdo njeri do përfitojë nga pasuritë që nxjerr aty, janë lokalë, janë kombëtare. Lokalët do përfitojnë. Kombëtarët do përfitojnë. Këto janë rregulla. Ndaj edhe buxheti i 2022, do mbetet në histori si buxheti i vjedhjeve më të mëdha qeveritare.”

Fjala e kryetarit të PD, Sali Berisha:

Të dashur qytetarë dhe qytetare, që ndiqni këtë seancë. Zonja dhe zotërinj deputetë.

Sot diskutohet këtu për buxhetin e vitit 2022. Çfarë ishte ky buxhet sipas të dhënave strikte zyrtare të Komisionit të Kontrollit të Lartë të Shtetit. Ky ishte buxheti i vjedhjes së 122 miliardë lekëve nga këta që qendrojnë që nxijnë prapa shpinës sime, dhe vartësit e tyre.

Nuk është kjo një shifër që del nga opozita. Kjo është një shifër që del nga institucioni zyrtar kushtetues i këtij vendi. Keni vjedhur 122 miliardë lekë. Keni vjedhur 30% më shumë se shumë se t gjitha rrogat që merren në Republikën e Shqipërisë. Keni vjedhur më shumë se të gjitha pensionet dhe kjo nuk është për të gjithë vitin, por vetëm brenda 9 muajve të parë të vitit 2022. Keni vjedhur më shumë se të gjitha pensionet në Shqipëri të marra së bashku.

Keni vjedhur, sepse nga 20 tendera, sepse zhvilluat në 8 vite, nga viti 2005, nga viti 2013 keni zhvilluar 280 tendera sekrete për të vjedhur. Keni vjedhur sepse 30% të tenderave ia keni dhënë atij që keni dashur, pa garë. Keni vjedhur, sepse 61% të tenderave sipas Komisionit të Kontrollit të Lartë të Shtetit, ua keni dhënë atyre që kanë sjellë ofertën më të lartë me çmim maksimal.

Ku janë këto hajdutët që ikin nga mbrapa moj zonjë? Pse nuk kanë kurajo të rrinë po kanë frikë të rrinë nga vjedhjet e tyre? Do t’ua plas të gjitha këtu në Parlament, dhe dil ti këtu mbroji ata. Kush i vjedh këto? Kush e ndërton rrugën me 24 milionë euro kilometrin? Cili e bën këtë? Kush e shet energjinë me 40 euro dhe e rishet me 150 euro? Kush e bën këtë? Jo moj këto i bëjnë! Po më të bardha janë karriget pa ata, sesa me ata, që vjedhin në këtë mënyrë.

Mjerojnë! Shqiptarët po ikin çdo ditë.

Keni vjedhur, sepse në një rast unik në botë, në planet, një kompani së cilës i janë arrestuar dhjetëra e dhjetëra hajdutë, vazhdon të marrë çdo ditë 300 mijë euro. Vazhdon të marrë çdo javë 1 milionë euro, vetëm e vetëm se është kompania e Edi Ramës. Se kurrë nuk mund të ndodhte, se SKAP-i i partisë nuk guxon ta bllokojë. Nuk guxon ta konfiskojë. Nuk guxon të ndërpresë vjedhjen e tmerrshme të përditshme të Edi Ramës dhe planit të tij me djegësat.

Keni vjedhur dhe vidhni botën mor!

E keni marrë vesh, apo jo? 2,2 miliardë janë vjedhur me Bitcoin nga ortaku i Olsi Ramës. Amant Josfi bën kërdinë në Spanjë, në Gjermani, në Itali, dhe e përcollët njëlloj. Kush e përcolli? Olsi Rama e përcolli në Dubai. Kush e përcolli Genti Xhixhon në Kubë? Olsi Rama e përcolli me makinën e tij, Padronin e Xibrakës.
Pse nuk rrinë këtu më thuaj pak? Ku janë? E tmerrshme!

Nga zonja janë transformuar në Manonesko të pamëshirë, se ajo ishte edhe romantike në veprimet e saj, kurse këto nuk ngopen në asnjë mënyrë, në asgjë. Shiko çfarë thotë kjo? Po përçani veriun nga jugu.

Po ka mendje njerëzore në Shqipëri që t’i lejojë vetes që të investojë 350 milionë euro Lekaj-Fier, në një rrugë që nuk ka absolutisht asnjë problemë trafiku, përveç rrethrrotullimit afër Kolonjës së Lushnjës, në një kohë kur rruga, me trafik më të madh pas Rrugës së Kombit, rruga Lezhë-Shkodër lihet në mëshirë të fatit, dhe habitet kjo, habitet, që kryeson pas Ramës tani pas vjedhjeve në Shqipëri. Sepse flitet për hidrocentralet. Shet injorancë dhe hajni këtu.

Në një akt të turpshëm, korruptiv, hoqi rentën Edi Rama, një kusht i Organizatës së Federuar në OKB. Dhe kjo habitet, kërkoni edhe shpërblim për energjinë që prodhon. Po si të mos kërkojë shpërblim ai? Që ia ke transformuar jetën me liqenin që ke ndërtuar aty. Shet injorancë. Po hajnia të verbon mo. Hajnia s’të lejon me pa asgjë! Të dëgjosh asgjë!

Po si mund të thotë një ministre, më thoni ju mua, pretendoni të përfitoni nga energjia. Po s’do mend çdo njeri do përfitojë nga pasuritë që nxjerr aty, janë lokalë, janë kombëtare. Lokalët do përfitojnë. Kombëtarët do përfitojnë. Këto janë rregulla.

Ndaj edhe buxheti i 2022, do mbetet në histori si buxheti i vjedhjeve më të mëdha qeveritare. Si buxheti i shpërdorimeve dhe abuzimeve më të mëdha.

Nqs shqiptarët sot festojnë këtë vit dhe këto Krishtlindje në këtë gjendje, festojnë sepse ju vidhni, vidhni dhe vidhni me xhepa, vidhni me valixhe, vidhni, me çdo mjet, nuk ngopeni.

Po si ka mundësi, një sipërmarrje me 20 të arrestuar vazhdon të marrë 1 milionë euro në javë. Po ka mundësi se është sipërmarrja e Kryeministrit. Se ndryshe nuk mund të ndodhë kurrë! Kurrë!

Gjindet një italian që thotë jam 30% dhe që merr 300 mijë euro në ditë, si i merr? Po i merr se është punëtor i Kryeministrit. Janë paratë e Kryeministrit. Të kujt tjetër mund të jenë ato? Po të jenë të dikujt tjetër ato, do të bllokohen. A e dini ju që ky Kryeministër në kundërshti me Kushtetutën k autorizuar veten për të drejtë konfiskimi. Dhe ulet thotë konfiskova. Po konfisko pak sipërmarrjen tënde o hajdut, që ta provosh që s’je hajdut! Por nuk provon dot asgjë, se vetëm vjedh dhe vetëm vjedh.

Sille pak. Thuaji shqiptarëve kush e përcolli Amnat Josifin në Dubai? Sa ditë u mbajt këtu fletëarresti për Amant Josifin? Një javë u mbajt. Derisa mbushi valixhet, baulet dhe u nis në Dubai, në parajsën e Bitcoin-it, dhe pastaj nanuris shqiptarët, po blej drone, po blej satelite.

Na thuaj pak njëherë, sa i blen dronet? Nuk e thua çmimin, sepse vjedh! Në të gjithë botën, çfarëdo që të blihet, edhe sistemet më të sofistikuara, kanë çmim dhe u tregohet popullit. Po shpenzoj kaq për mbrojtjen. Kurse këtu gjithçka vendoset si në shpella.

Sa kushtuan dronet Z.Majko, se ke ngel vetëm ti këtu. A e di ti që ke qenë Kryeministër, me mbrojtje je marr. Sa kushtuan ato 6 drone? Se di! Jo, se di, sekret. Sekret, sepse vjedhin.

A jemi ne anëtarë NATO-s? Kush e kontrollon hapësirën ajorore? Në rradhë të parë përdori ato para për të rritur rrogat e ushtarëve. Janë gjysma e ushtarëve që kanë dhënë dorëheqjen se nuk jetojnë dot, me pagën mizerabël që marrin. Të paguajmë ushtarët njëherë, oficerët, policët, pastaj të shkojmë te satelitët.

Të lutem shumë, cila kohë? Ku janë këta? Këta s’janë këtu. Ja paska ardhur ky badigardi i Edi Ramës. Ditën i rri bodyguard, natën i bën gjëmën.

Me atë votimin që u bë më thuaj pak, çfarë roli luajte ti? Cili ishte roli yt? Epo ja, kjo është pyetja që kam unë për ty.