“Policët e dhunshëm”/ Hetuesi, Prokurori dhe ky që Rama i thotë ministër, tha: Lulzim Basha, më 21 janar 2011 vrau 4 qytetarë…
Pse dështoi Kryetari i Partisë Demokratike, Lulzim Basha me thirrjet e tij për protesta të qeta, përgjigjen e dha për shumë pak kohë vetë njeriu që Edi Rama i thotë Ministër i Brendshëm, Ish-Gjeneral Sandër Lleshaj.
Gjuha që përdor ky njeri jo vetëm në orët e vona të pas protestës, por edhe deri në fillimin e çdo proteste, reflektohet tek dhuna e policëve ndaj protestës.
Por mbrëmjen e sotme, meqë Kryeministri Edi Rama heshtë ndaj sjelljes kriminale të Ministrit të Brendshëm, Ish-Gjeneral Sandër Lleshaj, ai sonte mori edhe kompetencat e hetuesit, prokurorit dhe gjykatësit dhe bëri publik vendimin për ngjarjen e shumëpërfolur të 21 Janarit:
“Lulzim Basha, që në 21 janar 2011 vrau 4 qytetarë të pafajshëm dhe plagosi dhjetëra të tjerë me armë zjarri, sot plagosi shumë policë të Shqipërisë.”
Dhe ky komunist që do ti kishte zili edhe Milladin Popoviç që prodhoi vrasës si Enver Hoxha e Mehmet Shehu, në reagimin e tij përmes rrjetit social Twitter, merr të drejtën të citon edhe Patër Anton Harapin:
“Një tipi të tillë, Patër Anton Harapi i thoshte: ‘Krushkamadh e hollë e i gjatë, rri n’zanat që t’la yt atë.’ Dhuna dhe mendja është zanati yt i pështirë.”
Ja statusi i plotë:
“Lulzim Basha, që në 21 janar 2011 vrau 4 qytetarë të pafajshëm dhe plagosi dhjetëra të tjerë me armë zjarri, sot plagosi shumë policë të Shqipërisë. Një tipi të tillë, Patër Anton Harapi i thoshte: ‘Krushkamadh e hollë e i gjatë, rri n’zanat që t’la yt atë’. Dhuna dhe mendja është zanati yt i pështirë”, shkruan Lleshaj në Tëitter
