Policët të mos i binden/ Arrestimet, Basha: Paniku po e çon Ramën drejt greminës!
Pas terrorit që ushtroi gjatë gjithë natës policia e Ish-Gjeneral Sandër Lleshajt me përfundimin e protestës në Librazhd kundër regjimit të Edi Ramës, arrestimit të drejtusëve të lartë të PD dhe shoqërimit të dhjetëra personave, Kryetari i Partisë Demokratike, Lulzim Basha ka dalur në një dalje publike urgjente duke ngritë alarmin për kulmin e sistemit autokratik që po vendos Edi Rama në Shqipëri:
“Dje gjatë mbrëmjes dhe vonë gjatë natës policia politike e Edi Ramës ka ndaluar dhjetëra anëtarë dhe mbështetës së Partisë Demokratike në Elbasan dhe Librazhd dhe ka arrestuar: dy drejtuesit e Partisë Demokratike të Librazhdit, Kryetarin, zotin Bujar Vreto dhe Sekretarin zotin Erlind Gurra; dy drejtuesit e PD-së Prrenjas, Kryetarin zotin Arjan Karriqi dhe Sekretarin zotin Leonard Ozuni; ish-deputetin dhe ish-kryetarin e PD-së Elbasan, zotin Aurel Bylykbashi; si dhe dy mbështetës së Partisë Demokratike, Dashamir Boja nga Gostima dhe Bujar Kllojku nga Librazhdi,” thekson Lulzim Basha, veprime këto që ai i cilësoi si reprezalje të hapura politike ndaj kundërshtarëve politikë dhe qytetarëve që protestojnë kundër regjimit të Edi Ramës.
Ato vinë mbas ndalimit të rreth 500 anëtarëve dhe mbështetësve të Partisë Demokratike gjatë pesë muajve të fundit. Ndërkohë mbi 50 mbështetës dhe anëtarë të Partisë Demokratike mbahen në arrest në burgje. Qindra qytetarë të tjerë që kanë protestuar kundër qeverisë nga Kukësi në Shkozë, tek Unaza e Re dhe kudo në Shqipëri janë ndaluar, keqtrajtuar, rrahur, dhunuar dhe arrestuar në mënyrë të paligjshme këto muajt e fundit.
“Ky është bilanc regjimesh represive dhe jo i një vendi demokratik evropian. Ndërkohë sistemi i drejtësisë është shpartalluar. Parlamenti është shpartalluar. Administrata publike është militarizuar në ekstrem. Tashmë nuk ka më asnjë iluzion. Edi Rama ka vendosur në Shqipëri një pushtet autokratik, jashtë Kushtetutës dhe të kundërligjshëm,” thekson lideri i opozitës duke shtuar se reprezalje politike të Edi Ramës kanë një qëllim të qartë politik:
“Të intimidojnë opozitën dhe qytetarët për t’u tërhequr nga beteja jonë kundër regjimit të tij kriminal. Është plani diabolik i një njeriu në panik total për humbjen e pushtetit. Është rruga pa krye që po e çon Ramën drejt greminës, ku kërkon të tërheqë me vetë gjithë Shqipërinë.”
Në këtë aventurë të rrezikshme, Edi Rama ndihmohet nga dy vegla të paskrupullta, Sandër Lleshi dhe Arta Marku, të cilët e kanë kthyer policinë dhe prokurorinë në instrumente të represionit politik në shërbim të pushtetit personal dhe të korruptuar të Edi Ramës, tha Kryetari i Partisë Demokratike duke i bërë thirrje policëve dhe prokurorëve që e ndjejnë veten njerëz të ligjit dhe të rendit, të mos u binden urdhrave politikë dhe të paligjshëm të autokratit të korruptuar dhe të inkriminuar Edi Rama dhe të veglave të tij:
“Këto akte represive për t’u mbyllur gojën dhe goditur kundërshtarët politikë thjesht po thellojnë me shpejtësi gropën, ku ka rënë Edi Rama. Ato e bëjnë të pashmangshëm dhe të shpejtë fundin e tij të keq, si dhe të bashkëpunëtorëve të tij, pa asnjë përjashtim, nga kriminelët e bandave deri tek policët dhe prokurorët e kriminalizuar që i shërbejnë Edi Ramës,” tha Kryetari i Partisë Demokratike, Lulzim Basha duke siguruar se asgjë dhe askush nuk e ndal betejën tonë për Shqipërinë si gjithë Europa ndërsa përfundoi: Asnjë hap pas, deri në triumfin e demokracisë mbi narkoshtetin!
