Policia australiane, kontroll transmetuesit ABC!

Një kontroll policor në Korporatën e Transmetuesit Australian, ABC, ka nxitur reagime të ndryshme nga televizionet dhe grupet për të drejta të njeriut.

Zyrtarët policorë kanë arritur në transmetuesin publik në Sidnej, me dokument për kontrollin e dy gazetarëve dhe të drejtorit të lajmeve, raporton RFE.

ABC ka protestuar lidhur me këtë kontroll policor.

BBC e ka konsideruar shumë shqetësuese lajmin për kontrollin e shtëpisë së njërit gazetar.

Rrjeti i gazetarëve në këtë shtet tha se këto kontrolle policore kanë qenë shenjë e “sulmit në lirinë e shtypit të Australisë”.

Aksioni i policisë është lidhur me disa artikuj rreth sjelljes së pahijshme të forcave australiane në Afganistan.

Sipas ABC-së, kontrollet lidhen me një seri të raportimeve të vitit 2017 të njohura si, Të dhënat Afgane, të cilat kanë prezantuar pretendimet për vrasje të paligjshme dhe sjellje tjera të këqija të forcave speciale australiane në Afganistan.

Ky transmetues tha se raportimet janë bazuar në qindra faqe të dokumenteve sekrete që u janë dhënë burimeve të ABC-së.