Policia Bashkiake, hajdutë nën uniformën e shtetit!

Nga shitja e fiqve deri tek pagesa e parkingut në Tiranë me sms na ndanë një det i tërë. Dhe, kur pagesën me sms të parkingut e kontrollon Policia Bashkiake nën urdhrat e Erion Veliajt, gjërat ngatërrohen paksa më shumë se sa informaliteti i katunarëve me çadra në plazh.

Shumë është folur “për qytetarë të ndershëm” si specie në zhdukje por nga të dhënat në terren na dalin “policë bashkiak të ndershëm” specie në zhdukje”; Dhe, më nuk është legjendë urbane, është mashtrim edhe për ata pak qytetarë që nuk duan të ndjeken nga shteti as me qerre dhe as me BMW, por paguajnë.

Në fillim duhet sqaruar se si mund të jetë hajdut, një njeri nën uniformë ose një policë bashkiak. Fjalori i gjuhës tonë të bukur shqipe thotë:

hajdút,-i m. sh. -ë(t) bised. vjedhës, cub; kusar: hajdut xhepash; gjeti hajduti thesin (u poq hajduti me thesin) (fj. u.) gjeti tenxherja kapakun.

Në web faqen e Policisë Bashkiake të Tiranës, Legjislacioni flet për LIGJIN  Nr.8224, datë 15.5.1997 PER ORGANIZIMIN DHE FUNKSIONIMIN E POLICISE TE BASHKISE DHE TE KOMUNES Në mbështetje të nenit 16 të ligjit nr.7491, datë 29.4.1991 “Për dispozitat kryesore kushtetuese”, me propozimin e Këshillit të Ministrave, KUVENDI POPULLOR I REPUBLIKES SE SHQIPERISE.

Në Nenin 8 të këtij Ligji thuhet qartë se Policia e bashkisë dhe e komunës ka për detyrë:

1.Të sigurojë zbatimin efektiv të urdhërave të nxjerra nga kryetari i bashkisë (komunës) dhe të vendimeve të këshillit që kanë të bëjnë me sigurimin e rendit e të qetësisë dhe mbarëvajtjen e punëve publike.

2.Të marrë masa për ruajtjen e pasurisë së bashkisë apo të komunës si dhe të atyre që administrohen nga ana e saj.

3.Të sigurojë zbatimin e urdhrave të nxjerra nga kryetari i bashkisë (komunës) në lidhje me personat juridikë ose fizikë, që nuk plotësojnë konform ligjit detyrimet financiare e fiskale, ndaj bashkisë apo komunës, si dhe çdo detyrim tjetër pasuror ndaj tyre.

4.Të mbikëqyrë e verifikojë nëse shtetasit në administrim të pasurisë së tyre, zbatojnë ose plotësojnë kërkesat e akteve bashkiake.

5.Të konstatojë e të parandalojë ndotjet e mjedisit, hedhjet e mbeturinave të ndryshme, si dhe të sinjalizojë kryetarin e bashkisë (komunës) për shfaqjet e parazitëve të dëmshëm e të rrezikshëm si dhe për rastet e shfaqjes së epidemive.

6.Të ndalojë, shmangë e prishë ndërtimet e paligjshme, të ndalojë zëniet e paligjshme të trojeve dhe të ndërtesave e objekteve publike të bashkisë apo komunës si dhe të organizojë lirimin e tyre.

7.Të kujdeset për qetësinë publike, duke shmangur zëniet, mënjanuar zhurmat e shkaktuara nga grumbullimet e njerëzve, autoparlantet e radiove e magnetofoneve, rënia pa vend e burive të automjeteve në rrugë, banesa, plazhe e mjedise të tjera publike, që sjellin shqetësime për të tjerët.

8.Të marrë masa për ruajtjen e rendit, kur ka grumbullime njerëzish, si në tregje, panaire, ceremoni publike, artistike, fetare e sportive, në kinema, teatro, pallate e salla sportive, objekte të kultit dhe në mjedise të tjera publike.

9.Të inspektojë tregjet, të kontrollojë zënien e vendeve për tregti ambulante, të verifikojë pajisjen me licensë të tregtarëve dhe personave të tjerë që merren me veprimtari shitblerje, me tregtimin e pijeve alkoolike, objekteve me vlera artistike e kombëtare, të lëndëve djegëse, të kontrollojë respektimin e masës, peshës dhe çmimin e shitjes.

10.Të kujdeset për respektimin e orarit të shërbimit të njësive tregtare, bufeve, restorante ve, bilardove, lojrave të fatit e të objekteve të tjera me veprimtari publike, si dhe për zbatimin nga ana e tyre të rregulloreve apo urdhërave të nxjerra nga kryetari i bashkisë apo komunës.

11.Të kontrollojë marrjen e masave të sigurisë që parandalojnë fatkeqësitë e ndryshme natyrore si dhe të ndihmojë në kapërcimin e tyre duke u dhënë gjithashtu ndihmë të dëmtuarve në raste urgjence.

12.Të marrë masa të përkohshme ndaj të sëmurëve psikikë në gjendje të rëndë, që krijojnë shqetësime për rendin publik.

13.Të kujdeset për ruajtjen e afisheve, njoftimeve e shpalljeve publike si dhe heqjen e atyre të paligjshme ose të paautorizuara.

14.Të kontrollojë e të marrë masa për zbatimin e rregulloreve, urdhërave e udhëzimeve të lëshuara nga kryetari I bashkisë apo i komunës për probleme që lidhen me zbatimin e këtij ligji.

Pra, askund nuk figuron që Policia Bashkiake qoftë kjo edhe nën urdhrat e Erion Veliajt mund të fus duart në xhepat e qytetarëve, ama meqë kemi gjuhën tonë të bukur ashtu si dhe fjalorin, në fund ka një togfjalësh magjik: gjeti tenxherja kapakun. Pra, gjeti Policia Bashkiake Erionin!

Teknologjia dhe hajdutët

17 Shkurtin e vitit 2017,  të gjithë e mbajnë mend kur Kryetari i Bashkisë së Tiranës, Erion Veliaj, prezantoi projektin më të ri inovativ, atë të rezervimit të një vendi parkimi nëpërmjet telefonit, i cili fillimisht do të zbatohet vetëm në Zonën A të qytetit. Duke folur në analizën vjetore të punës së “Tirana Parking”, kryebashkiaku Veliaj vlerësoi punën e kryer deri më tani nga kjo agjenci, si dhe shpjegoi mënyrën sesi do të funksionojë sistemi i ri rezervimit të parkimit me anë të celularit.

“Nga ky muaj, do të mundësojmë që çdo qytetar i Tiranës të paguajë me celularin e vet një vend parkimi për aq orë sa ka nevojë, vetëm duke çuar me sms targën në numrin 50 500, i cili është i aksesueshëm nga të gjithë operatorët celularë. Vetëm duke çuar një sms në nr 50 500 ke mundësi të paguash parkingun për një orë. 10 minuta përpara se të përfundojë koha e parkimit, qytetarit i vjen një SMS i cili do i kujton se duhet ta lëvizë makinën sepse po i përfundon afati i parkimit. Por, mund ta rinovosh afatin e qëndrimit duke çuar një SMS tjetër,” shpjegoi Veliaj.

Kjo do të ofrojë mundësinë që edhe punonjësit e Agjencisë “Tirana Parking” të mund të kontrollojnë pagesat e çdo vendi parkimi, duke përdorur aparatura të posaçme, pa qenë e nevojshme për të prerë fatura apo bileta parkimi.

“Të gjithë inspektorët do të pajisen me një aparaturë, pra me një tabletë, ku mjafton vetëm të fusin targën e makinës dhe do arrijnë të kuptojnë nëse parkingu është paguar dhe sa minuta i kanë mbetur secilit. Nëse parkingu rezulton se nuk është paguar, atëherë sigurisht do të aplikohet gjoba përkatëse”, tha Veliaj.

Kryebashkiaku i Tiranës u shpreh se projekti i përdorimit të teknologjisë për të parkuar makinën do të krijojë lehtësira të ndjeshme për qytetarët, duke shmangur si kontaktin fizik me punonjësit e Tirana Parking, ashtu edhe harxhimin e kohës që kërkohej me mënyrën se si veprohej deri më tani ndërsa se paratë që do mblidhen nga parkimi do të përdoren për të blerë pemët që do mbillen në Pyllin Orbital të Tiranës.

Shumë shpejtë ata që respektojnë ligjin, teknologjinë dhe me kohën janë paksa ngushtë, filluan ta përdorin këtë metodë pa e menduar se kjo teknologji e “Tirana Parking” kishte të bënte me vjedhje. Menjëherë u konstatua se parkimi nuk ishte siç u tha 100 lekë/orë sepse faturohej me +20 % TVSH, pra ishte 120  lekë/orë, por jo e gjitha përfundonte këtu.

Qytetarët filluan të ankohen se përkundër pagesës me sms atyre po ju vihej gjoba nga Policia Bashkiake, dhe pikërisht këta qytetarë të ndershëm, që respektonin ligjin dhe shumë më shumë kohën, u sugjerohej nga Policia Bashkiake të shkonin të apelonin gjobën! Pra, të humbnin edhe më shumë kohë se sa në kohën kur u mungonte kjo teknologji idiote që mundëson vjedhjen nga hajdutët nën uniformë!

Nga hajdutët nën uniformë thuhej se nuk është më shumë se sa një legjendë urbane, por kjo ndodhë edhe dy vjet pas këtij përurimi, që u quajt projekti i përdorimit të teknologjisë për të parkuar makinën i cili do të krijojë lehtësira të ndjeshme për qytetarët, duke shmangur si kontaktin fizik me punonjësit e Tirana Parking, ashtu edhe harxhimin e kohës!

50 500 numri i zhvatjes

Çdo njeri normal që është kundër përdorimit të teknologjisë, qoftë për të parkuar edhe makinën në mënyrë që të krijoj lehtësira të ndjeshme, duke shmangur si kontaktin fizik me punonjësit e Parkingut ashtu edhe harxhimin e kohës është idiot!

Por, gjithashtu është idiot çdo njeri normal i cili përdor teknologjinë për të parkuar makinën duke menduar se do të krijojë lehtësira të ndjeshme për të shmangur si kontaktin fizik me punonjësit e Parkingut ashtu edhe harxhimin e kohës, duke mos respektuar faktin se mbrapa këtij projekti është një bandë e tërë hajdutësh nën siglën e Bashkisë së Tiranës, duke filluar nga Tirana Parking, Policia Bashkiake e deri tek shefi i tyre që promovon këtë hajdutëri, Erion Veliaj.

50 500 të sugjeron që mesazhin ta nisësh kështu:

Por edhe kur e nisë kështu mesazhin:

Dhe, vjen tek makina pasi ke kryer punë, siç ndodhi me Agim P. e gjenë gjobën tek makina:

Telefonata me Policinë Bashkiake, ndonëse me mirësjellje, rrëfen Agimi, ka një përgjigje të frikshme:

“Nëse e keni paguar, mund ta apeloni të martën në Bashki, meqë të hënën është ditë festë!”

Vazhdimi i bisedës telefonike se pse nuk e verifikon në sistem kur është paguar, si polici e verifikon targën e makinës se kush është pronar dhe jo pagesën, ku është këtu respektimi i kohës, pse nuk i lejoni njerëzit të jenë qytetarë të ndershëm, e gjithë fjalori nga mllefi janë pa fryt sepse efektivi i policisë bashkiake kaq e ka kompetencën të flas, dhe ç’është e vërteta nuk është ai që të ka futur dorën në xhep!

“Kam paguar 4 orë, 480 lekë, sikur të shkosh te Bashkia për Apelim, duhet të llogarisësh të paktën 2 orë që dmth 240 lekë, ndërsa nëse paguan gjobën brenda pesë ditësh 1.000 lekë të shndërrohen 850 lekë. Pra, politika e Bashkisë së Tiranës është që të bindë këta budallenj “të ndershëm” si puna ime që të mos ngatërrohen kot me sms e parkingje idiote, dhe kur kanë hall, më rehat është të paguash gjobën 850 lekë se sa të paguash me sms dhe apelime një shumë që e tejkalon çuarjen e drejtësisë në vend, që më nuk i vlenë askujt në këtë Tiranë që administrohet nga njerëz të papërgjegjshëm si Erion Veliaj,” thotë Agimi duke dërguar dhe dëshmi ku është shenja e trafikut në rrugën Tefta Tashko Koço ku ishte makina, shenjë trafiku që nuk shihet fare, emailin e nisur në Policinë Bashkiake dhe përgjigjen të cilën nuk dënjon njeri t’ja bëjë, edhe pasi e kanë plaçkitur!

Që krahasuar me luftën e informalitetit me çadra të vendosura në mënyrë të paligjshme në plazhe, 1.000 lekë i bie një informalitetit sa 3 çadra te Mali i Robit, edhe pse në Tiranë, pa i shtrirë këmbët dhe pa shijuar rrezet e diellit…

vijon

Nesër:

Elton Fisheku, sejmeni i Erionit që fut duart në xhepat e qytetarëve! Cilat janë detyrat e efektivit të Policisë Bashkiake, si cenohen të drejtat e qytetarëve nga këta efektiv dhe kush mbanë përgjegjësi kur asgjë nuk funksionon në këtë Polici Bashkiake, nga hajduti Elton Fisheku deri tek kryetari i Bashkisë së Tiranës, Erion Veliaj!