Policia dhe Ushtria në rrugë nuk i shërbeu askujt, 6 të vrarë për pak orë. Qeveria heshtë!
Kur Edi Rama nxori policinë dhe ushtrinë nëpër rrugë edhe pse armiku është i padukshëm, filluan të merren me ca pnesionistë që nuk dinë rregull kur blejnë fruta dhe perime. Përveç ca rilindasve askush nuk e besoi këtë shfaqje të shëmtuar kur ministra vazhdojnë të jenë një gjeneral i dështuar i cili nuk e mësoi ende se çfarë është ushtria dhe drejton policinë, dhe një militante e Paktit të Varshavës që kundërshton anëtarësimin e Shqipërisë në NATO dhe sot bëhet ministre e Mbrojtjes!
Ky mosbesim u arsyetua sot kur mesdita shqiptare u trondit me bilanc lufte dhe atë që nuk arriti ta bëjë COVID-19 për ca orë e bëri krimi shqiptar.
Dy të vrarë në Lezhë
Preng Simoni dhe Kolë Murrani janë dy personat që janë vrarë me armë zjarri në Lezhë ndonëse nuk rezultojnë persona pa precedentë të mëparshëm. Sipas njoftimit paraprak të policisë në afërsi të fshatit Lalm i Vjetër, Lezhë, në një kodër, janë gjetur të pajetë, shtetasit P. S. dhe K. M., rreth 60 vjeç, të cilët dyshohen se mund të kenë humbur jetën si pasojë e përdorimit të armës së zjarrit. Shërbimet e Policisë kanë shoqëruar disa persona që mund të kenë dijeni lidhur me ngjarjen,” thekson policia duke shtuar se Grupi hetimor ndodhet në vendngjarje dhe nën drejtimin e Prokurorisë po vijon punën për të përcaktuar shkakun e rrethanat e ngjarjes.
Ndërkohë duke ju referuar burimeve policore mediat lokale raportuan se ka dyshime të forta që krimi në Lezhë mund të jetë kryer për motive pronësie. Afër vendit të ngjarjes është gjetur një motor i braktisur, që dyshohet se e ka lënë autori i krimit, për shkak të terrenit malor.
Dy të vrarë në Durrës
Policia dhe Ushtria e Edi Ramës vazhduan të qëndrojnë në rrugë por krimi tronditi edhe qytetin e Durrësin, Te tregu i makinave në Shëna Vlash u ekzekutuan me armë zjarri dy persona, që u identifikuan se janë dy vëllezërit Besmir e Vikor Haxhiaj, Ekzekutimi mafioz u realizua ndërsa viktimat po udhëtonin me automjetin tip Golf , një automjet i ka prerë rrugën dhe sipas dëshmitarëve kanë qëlluar me një breshëri automatiku nga pas dhe para automjetit. Ndonëse në automejtin e viktimave nuk është gjetur asnjë mjet apo send i dyshimtë dhe në vendngjarje ka sekuestruar 27 gëzhoja, pista e parë hetimore e këtij krimi makabër është ajo e konflikteve për lëndë narkotike. Mësohet se deri më tani, në polici janë shoqëruar 30 përsona.
Gjendet i pajetë biznesmeni në Elbasan
Një ngjarje e rëndë raportohet të ketë ndodhur sot edhe në Elbasan, ku është gjetur i pajetë një biznesmen.
Burime zyrtare të policisë bënë me dije se është gjetur i vetëvarur në banesë pronari i një exchange në qytetin e Elbasanit. Ngjarja ka ndodhur në një nga lagjet në afërsi të qytetit të Elbasanit. Nuk janë të qarta rrethanat që e kanë çuar biznesmenin e njohur drejt vetëflijimit.
Biznesmeni i njohur me emrin Tan Sanço është gjetur i pajetë nga familjarit. Ai dyshohet se ishte vetëmbytur me kabullin e antenës së televizorit të cilin e kishte lidhur me lak në mënyrë të trefishtë në tavanin e banjos.
Përrenjas, djali i një biznesmeni gjendet pa shenja jete në pyll
Një tjetër ngjarje e rëndë është raportuar nga Qarku i Elbasanit. Djali i një çifti që ka biznese në qytetin e Përrenjasit është gjetur i pajetë në masivin pyjor të Stravajt.
“Në fshatin Stravaj , Librazhd, është gjetur i vetëvarur pa shenja jete shtetasi F.A., 30 vjeç. Nga këqyrja paraprak e kufomës nuk janë konstatuar shenja dhune përveçse shenja të shkaktuar nga vetëvarja,” njofton policia.
Sipas burimeve zyrtare, 30-vjeçari Flori Albrahimi pasditen e të hënës është gjetur i vetëvarur në pyll rreth 300 metra larg banesës së dajës së tij, ku kishte shkuar mysafir në fundjavë. Ai ishte baba i një foshnje 6 muajshe dhe jetonte në kushte shumë të mira në qytetin e Përrenjasit. Mbetet mister shkaku i vetëflijimit të tij ndërkohë që në harkun e 60 minutave në Qarkun e Elbasanit janë rregjistruar dy vetëvrasje, pasi më parë i dha fund jetës biznesmeni Tan Sanço.
Kështu, me gjithë atë polici dhe ushtri nëpër rrugët shqiptare, me të cilat dje edhe mburrej Kyreministri Edi Rama, dita e 27 Prillit përgjaket edhe pse sot kemi edhe një Kod Penal që Presidenti i Republikës, Ilir Meta, e vlerësoi me masa të reja evropiane ndërsa nuk u pa ndonjëri prej këtyre protagonistëve të rendit dhe sigurisë publike që dha dorëheqje ose u shqetësua edhe u vranë e vetvranë 6 shtetas shqiptar.
