Policia e Fatmir Xhafajt hedhë poshtë akuzat se nuk lufton krimin. Sot kapi një trafikant me 289 gramë Cannabis Sativa
Kryeministri Edi Rama nuk është i vetmuar, tashmë as policët e Fatmir Xjafajt nuk kanë turp.
Sot policia e Elbasanit, njërit prej qarqeve më kriminale në Evropë, aty ku vetëm shteti nuk e bënë ligjin, informon se në lagjen “Aqif Pasha”, është arrestuar në flagrancë me 289 gramë lëndë narkotike e llojit Cannabis Sativa, 26 vjeçari me inicialet R.H.
“Specialistët për Hetimin e Narkotikëve kishin marrë informacion se në lagjen “5 Maji”, Elbasan, ky shtetas po transportonë një sasi lëndë narkotike për ta shitur në doza, ku gjatë kontrollit të ushtruar në mjetin e tij, shërbimet e policisë gjetën dhe bllokuan në cilësinë provës materiale 289 gramë lëndë narkotike e llojit Cannabis Sativa,” thekson policia e shtetit së cilës çdo ditë i kalojnë nëpër hund qindra ton drogë të llojeve nga më të ndryshmet, për të marrë rrugën drejtë Greqisë dhe Italisë.
Edhe pas këtij aksioni të suksesshëm, shihet qartë se ministrit i Brendshëm, Fatmir Xhafaj përveç se me turp nuk është as i vëmendshëm si paraardhësi, i cili çdo aksion e finalizonte, me: Bravo çuna!
Ja postimi i plotë:
Elbasan
Goditet një rast i shpërndarjes së lëndeve narkotike në doza të vogla .
Arrestohet në flagrancë poseduesi i lëndës narkotike.
Në vijim të punës për parandalimin , evidentimin dhe goditjen e veprimtarisë kriminale në fushën e narkotikëve,si dhe bazuar në informacionet e marra në rrugë operative, Specialistët për Hetimin e Narkotikëve në Drejtorinë Vendore të Policisë Elbasan, bënë arrestimin në flagrancë të shtetasit:
• R.H, 26 vjeç, banues në lagjen “Aqif Pasha”, Elbasan.
Specialistët për Hetimin e Narkotikëve kishin marrë informacion se në lagjen “5 Maji”, Elbasan, ky shtetas po transportonë një sasi lëndë narkotike për ta shitur në doza, ku gjatë kontrollit të ushtruar në mjetin e tij, shërbimet e policisë gjetën dhe bllokuan në cilësinë provës materiale 289 gramë lëndë narkotike e llojit Cannabis Sativa.
Materialet i kaluan Prokurorisë pranë Gjykatës së Shkallës Parë Elbasan, për veprën penale të “Prodhimi dhe shitja e narkotikëve” parashikuar nga neni 283 i Kodit Penal
