Policia e përmbajtur në Shkodër por jo edhe Kryeministri: Iliri dhe Saliu duhet ta harrojnë se…

Protesta paqësore në qytetin e Shkodrës kundër vrasjes së 25-vjeçarit Klodian Rasha nga policia, degradoi kur protestuesit po marshonin pranë Partisë Socialiste së cilës iu vu edhe flaka por policia për dallim nga veprimet normale kriminale që ka treguar sot ishte e përmbajtur. Por në këto momente tensione jo të gjithë ishin të prmbajtur. U shfaq Kryemnistri Edi Rama me mesazhet e tij luftnxitëse duke akuzuar partnerin e tij qeverisës që e bëri President të Republikës, Ilir Metën:

“Kur policia reagoi ndaj një provokatori famoz gjatë ushtrimit të dhunës opozitare tek Kuvendi, Ilir Meta vrapoi në spital për të vizituar heroin e dhunës! Kur policit të shtetit, i nxjerrin syrin dhunuesit me kapuçë të nxitur prej tij e Saliut, Ilir Meta dënon dhunën policore!” tha Edi Rama në reagimin e tij përmes rrjetit social Twitter duke shtuar:

“Sipas Ilir Metës policia nuk duhet të reagojë, po duhet të dorëzojë Tiranën dhe veten në duart e dhunuesve të verbër, që ai bashkë me Saliun të bëjnë Lulin dhëndërr të pushtetit dhe Monikën arkëtare të shtetit, si në kohët e arta të bashkëqeverisjes me plumba mbi protestuesit!”

Mirë Iliri, se ishte ai që së bashku me Edi Ramën i vunë zjarrin Shqipërisë po me këtë skenar edhe më 21 Janar 2011, por nuk u kuptua se Saliun e ngatërroi në këtë histori. Por ja që regjisori i zjarrvënieve edhe mund ta nuhatë si largohet regjimi me zjarre dhe reagon:

“Por Iliri dhe Saliu duhet ta harrojnë se e kthejnë prapë Shqipërinë për përsheshin e tyre dhe sado ëndrra të shohë Luli duke mbajtur lugën në dorë që t’i vijë gjella e Monikës, Shqipëria do të vazhdojë drejt përpara, me mund e durim, për t’u bërë ajo që duan fëmijët e saj!”