Policia e Shtetit terror në KZAZ/ Reagimi, Presidenti: Po mbajmë shënim persona që shkelin ligjin…

Pas incidenteve që u shënuan sot në KZAZ në Shkodër, Lezhë, Dibër dhe Tropojë,  dhe qëndrimit zyrtar të KQZ me anë të zëdhënëses duke theksuar se po shkelin ligjin, ka reaguar Presidenti i Republikës, Ilir Meta duke theksuar se vlerëson të gjitha institucionet që zbatojnë ligjin dhe i inkurajon që ta bëjnë këtë me përgjegjshmëri maksimale.

Dhe jo vetëm kaq! Në reagimin e tij përmes Zëdhënesit, Presidenti i Republikës e bënë të qartë:

“Presidenti mban shënim të gjithë personat që shkelin ligjin dhe provokojnë tensione artificiale, të cilat u shërbejnë vetëm atyre grupimeve të errëta vendase dhe të huaja, që kërkojnë destabilitet në Shqipëri dhe rajon, me qëllim defaktorizimin e Shqipërisë dhe shqiptarëve. “

Reagimi i Presidentit të Republikës vjen pas tensioneve të krijuara në KZAZ dhe deklaratës kriminale të Komisionit Qendror të Zgjedhjeve se Dekreti i Presidentit është inekzistent. Nga njëra anë KQZ shprehet se kërkesa e disa kryebashkiakëve për lirim të KZAZ-ve është në tejkalim të kompetencave por nga ana tjetër nuk sqaron se kush i dha kompetencën KQZ-së të bëjë nul Dekretin e Presidentit.

Apo sot të gjithë duhet ta kemi të qartë siç e ka Denar Biba se kjo tashmë quhet Republika e Edi Ramës!

Reagim

Presidenti Meta vlerëson të gjitha institucionet që zbatojnë ligjin dhe i inkurajon që ta bëjnë këtë me përgjegjshmëri maksimale dhe transparencë të plotë. Presidenti mban shënim të gjithë personat që shkelin ligjin dhe provokojnë tensione artificiale, të cilat u shërbejnë vetëm atyre grupimeve të errëta vendase dhe të huaja, që kërkojnë destabilitet në Shqipëri dhe rajon, me qëllim defaktorizimin e Shqipërisë dhe shqiptarëve.