Policia, jo vetëm gënjen! Taulant Balla nxit mllef kundër kosovarëve!
Në vend që të kërkoj falje pse Policia e Shtetit të Edi Ramës keqtrajtoi për më shumë se 10 ekipin e artistëve të shfaqjes “The Handke Project” ndërsa po ktheheshin nga Firence ku interpretuan në “Teatro di Rifredi”, në një prej skenave të “Teatro della Pergola”, dhe u bënë të pandehur në Shtetin e Ramës si “tregtar të tritolit”, Ministri i Brendshëm i këtij shteti të shthurur që pret turist serbë me shumë dashamirësi por jo dhe shqiptarët e Kosovës, i turret artistëve kosovarë që nuk mirëkuptojnë operacionin i cili rezultoi me kapjen e 203 kallëp tritoli, por nxisin mllef “kundër uniformave blu të Republikës së Shqipërisë”.
“Për sa i takon pretendimeve të ndonjë prej artistëve të trupës së përfshirë në objektin e operacionit, për keqtrajtim nga ana e Policisë së Shtetit, informoj se AMP ka nisur hetimin lidhur me këtë. Por pretendimi për orët e tepërta mbajtjes në polici të tyre nuk qëndron, përkundrazi Policia e Shtetit ka vepruar shumë më shpejt se sa afati standard i verifikimeve, pikërisht sepse ka pasur parasysh statusin e aktorëve të ndodhur në vendngjarje. Të cilët sidoqoftë nuk mund të liheshin të lirë pa u bërë të gjitha verifikimet,” thotë ky injorant në reagimin e tij përmes rrjetit social Facebook, i cili për taksiratin jo vetëm të kosovarëve është Ministër i Brendshëm ndërsa përfundon:
“Së fundmi keqardhja mbetet dhe bëhet edhe më e madhe, kur në vend të mirëkuptimit për faktin se ky operacion rezultoi në kapjen e 203 kallëp tritoli, nxitet keqkuptimi dhe mllefi kundër uniformave blu të Republikës së Shqipërisë.”
Pyetja pas këti reagimi është shumë e thjeshtë, kush nixt mllef, aktorët që rrëmbehen në kufirin e Qetit dhe keqtrajtohen në komisariatet e Kukësit dhe Tiranës për më shumë se 10 orë, dhe pas dy ditësh, që edhe mund të gabohet në çdo operacion policor, nuk kërkon njeri falje, apo i pari i policisë shqiptare që me gjuhën e Kryeministrit Edi Rama akuzon ata që u keqtrajtuan!
Dhe, nuk është rastësi, janë kosovarë!
As dramaturgu Jeton Neziraj dhe as ekipi i tij nuk kërkuan ndonjë trajtim të veçantë, dhe kjo shihet nga reagimi i tij, por vetëm arsyen se pse janë ndaluar, pyetje që i kushtoi me prangosje!
A mund ishte ndryshe!
Jo! Nëse aktorët kosovarë me në krye dramaturgun Jeton Neziraj nxitën mllef ndaj policisë shqiptare me këtë lloj reagimi, çfarë bëri Ministri i Brendshëm, Taulant Balla!
Sapo publikoi reagimin Taulant Balla, shpurra e patronazhistëve nuk treguan se sa e urrejnë Kosovën, por sa u ka thënë shefi i tyre se duhet ta urrejnë Kosovën dhe kosovarët me theks të veçant për Kryeministrin e Kosovës, Albin Kurti, të cilin e cilësojnë “Albin Kurtoviç”.
Në fund, dramaturgut kosovar Jeton Neziraj si nuk i vjen zor, kur është me fytyrë terroristi, siç i thotë Policia e Shtetit të Edi Ramës, e çka pastaj që është mbajtur për mbi 10 orë për t’u verifikuar se a ka ardhë me avion nga Firence, kur në ekipin e tij mbanë dhe vajzë me emrin “Flaka”, kur një “Flakë” po e kërkonte llumi i Taulant Ballës!
Dhe jo vetëm kaq!
“Së fundmi keqardhja mbetet dhe bëhet edhe më e madhe, kur në vend të mirëkuptimit për faktin se ky operacion rezultoi në kapjen e 203 kallëp tritoli, nxitet keqkuptimi dhe mllefi kundër uniformave blu të Republikës së Shqipërisë,” thotë injoranti që drejton policinë dhe mendon se është e njejta gjë sikur të hipësh në ashensor me Lulzim Bashën, sikur të keqtrajtosh për më shumë se 10 orë një ekip aktorësh që bëjnë krenar çdo shqiptar, dhe sikur të nxisësh mllefin kundër kosovarëve vetëm pse Edi Rama e ka edhe bukë edhe gjellë!
Kush gënjen në këtë mes?! Jo vetëm ata që janë rezident në Shqipëri ose ata që njohin dramaturgun e respektuar Jeton Neziraj, mjafton një ndalim rutinë i një polici, për të kuptuar se pse po kjo polici kanabizoi vendin, pse trafikon drogën dhe pse sot drejt Portit të Durrësit nuk transportohet banane me kokainë por kokainë me banane!
Ndërsa përgjigja që iu dha dramaturgut Jeton Neziraj në celular përmes numrit të emergjencës, tregon se çfarë edukate antikosovare kanë sot Policia e Shtetit të Edi Ramës, dhe, kush nxit mllef:
“Jeni në oborrin e Policisë në Kukës që tre orë. Mirë jeni, edhe unë kur isha në Kosovë, Policia…”
