Policia kontrolle në banesat e 3 gjyqtarëve që “liruan” Dritan Dajtin

Me vendim të Gjykatës për Krime të Rënda, policia është duke ushtruar kontrolle në banesat e 3 gjyqtarëve, që pranuan ditë më parë kërkesën për gjykim të shkurtuar për Dritan Dajtin.

Forcat e Ndërhyrjes së Shpejtë gjatë kontrollit në banesën e gjyqtarit Skënder Damini,në Tiranë kanë gjetur 15 mijë euro. Vetë gjyqtari dhe familja e tij kanë qenë në banesë kur është bërë kontrolli me vendim të Gjykatës së Krimeve të Rënda. Ndërkohë edhe në Vlorë është ushtruar kontroll në një apartament në pronësi të Skënder Daminit.

Mësohet se kontrollet në banesat e gjyqtarëve janë kryer nga forcat speciale të policisë me vendim gjykate në 3 qytetet ku jetojnë gjyqtarët, Lezhe, Tirane dhe Sarande.

Ndryshe, tre ditë më parë, Ministrja e Drejtësisë, Etilda Gjonaj dorëzoi në KLGJ, kërkesën për fillimi i hetimit disiplinor për gjyqtarët Skënder Damini, Aleks Nikolli dhe Petrit Aliu. Nisur nga kjo kërkesë, Këshilli i Lartë Gjyqësor reagoi duke theksikuar se do të bëjë vlerësimin e duhur, në përputhje me kuadrin e ri ligjor dhe do të ndërmarrë çdo veprim të nevojshëm në respektim të ligjit