Policia kujdeset të krijoi tensione para Kuvendit, Kryetarja e Parlamentit në seancë
Deri sa para Kuvendit filloi protesta e Opozitës, seanca e sotme plenare filloi me tensione pasi kryetarja e Parlamentare, Lindita Nikolla nuk pranoi kërkesën e Kryetarin të Grupit Parlamentar të Partisë Demokratike, Gazment Bardhit, për të futur Sali Berishën në Grup.
Ndonëse Kryetari i Grupit Parlamentar të PD, Gazment Bardhi ka shkarkuar nga të gjitha funksionet që kishin në Grup të gjithë deputetet e PD të Edi Ramës që drejtohet nga Lulzim Basha dhe ka kërkuar rikthimin e Sali Berishës në Grup, Lindita Nikolla lexoi vetëm atë që i kishte urdhëruar shefi.
“Kemi njoftim nga grupi parlamentar i PD. Në kryesinë e grupit parlamentar janë bërë ndryshime. Nënkryetar Ervin Salianji, nënkryetare Albana Vokshi, sekretar Ina Zhupa,” tha Kryetarja e Parlamentit duke mos pranuar kërkesën për të futur Berishën në Grupin e PD-së dhe kërkesën e Gazment Bardhit për mocion me debat pas akuzave në emisionin e RAI 3 për Shqipërinë.
Ky vendimi arbitrar u kundërshtua nga deputetët demokratë duke e konsideruar antikushtetues, por Lindita Nikolla përveë se nuk është tërhequr nga vendimi i saj i ka mohuar deputetëve të opozitës edhe fjalën, gjë që krijoi tensione.
Dhe, sipas zakonit socioalist, në sallë u futën punonjësit e Gardës duke u rreshtuar përpara qeverisë, ndërsa kryeparlamentarja ndërpreu seancën për 5 minuta.
Situatë e ngjashme ishte edhe para Kuvendit, ku për tensionimin e situat u kujdesën agjentët e infiltruar dhe policët në vijën e parë të kordonit policor.
Ndryshe, rreth 400 efektivë të rendit, forcat Shqiponja, agjentë dhe Forcat e Sigurisë Kombëtare u tha nga Policia e Shtetit janë angazhuar për mbarëvajtjen e protestës para parlamentit ndërkohë për RENEA tha se është në gatishmëri në rast se do të ketë incidente, por, rezultoi se aty janë për të krijuar tensione ndër protestues.
Ndërkohë seanca plenare me 13 Pika të Rendit të Ditës synim kishte vetëm miratimin e përberjes së Komisionit të Posaçëm “Për Thellimin e Reformave për Mirëqeverisjen, Sundimin e Ligjit dhe
Antikorrupsionin për Shqipërinë 2030 në Bashkimin Europian” për të cilin ende nuk dihet se me cilën palë ka arritur dakordësinë, përveç se u përfol emri i Kryetarit të Komisionit, hetuesi i Sigurimit, Fatmir Xhafa!
