Policia me Gjeneralin, blindon një qytet për të kapur 22 fishekë dhe 2.000 euro
Një ditë pas dekretimit të Gjeneral Sandër Lleshit si ministër i Brendshëm, lajmi mbi blindimin e qytetit dhe fillimin e kontrollit në ambientet e një bar kafeje në pronësi të shtetasit Enver Çapja ngjalli një ndjesi të dyzuar tek qytetarët që ishin dëshmitarë të telenovelës me Presidentin: Pse Presidenti nuk e dekretoi më parë Gjeneralin dhe Pse pikërisht fisi Çapja.
Rezultati zyrtar i këtij aksioni se e gjitha ishte një tollumbace politike dhe politika është po ajo, si pa Gjeneralin.
U blindua qyteti Elbasanit, u godit “zemra e krimit” dhe u kapën vetëm 22 fishekë, 2110 euro dhe 372.000 lekë.
Që turpin të mos e haj me bukë Policia e Gjeneralit, në momentin kur policia filloi kontrollin në lokalin, aty rastisi shtetasi Naim Gjarri i cili u larguar me shpejtësi në drejtim të banesës, dhe ndjekja dhe kapja e tij rezultoi shumë e frytshme, ose larg detyrave që i kishte vënë policia në fillim të blindimit të qytetit të Elbasanit.
Dhe, njoftimi i policisë ishte si ai i ditës së parë të Rilindjes.
Sipas burimeve zyrtarë të Policisë Vendore, mësohet se nga ana e strukturave të DVP Elbasan në bashkëpunim me FNSH Tiranë, në kuadër të Planit të masave të hartuar nga DVP Elbasan, për rritjen e sigurisë publike, parandalimin e ngjarjeve të mundshme kriminale, kapjen e personave që lëvizin me armë pa leje, kontrollin e automjeteve, ambienteve që përdorin personat me precedentë kriminalë dhe penale, si rezultat i një pune te mire organizuar policore, ne lagjen ”Emin Matraxhiu” ne ambientet e një bar kafe ne pronësi te shtetasit Enver Çapja janë gjetur dhe sekuestruar ne cilësinë e provës materiale:
– 22 cope fishekë model 54, kalibër 7.62 mm;
– një pale targa automjeti gjermane
– një sasi prej 2110 euro dhe 372.000 leke.
Gjatë momentit kur policia po kryente kontroll në lokal, shtetasi Naim Gjarri është larguar me shpejtësi në drejtim të banesës.
Policia është vënë në ndjekje të tij dhe gjatë kontrollit të banesës janë gjetur edhe sekuestruar në cilësinë e provës materiale:
-.një armë zjarri pistoletë e markës CLOCK, kalibër 9 mm, me një krehër të vendosur në të me 13 fishekë;
– një armë zjarri e tipit pistoletë e markës TT, me krehër të vendosur në të me 7 fishekë.
– 3 pako me fishekë model 54, kalibër 7.62 mm, me nga 70 fishekë secila nga pakot.
– një krehër pistolete si ato të pistoletave CLOCK, me 15 fishekë model 9 mm të vendosur në të.
– një pako e dyshuar si lëndë eksplozive, mine me sahat.
Në përfundim të veprimeve bazuar ne prova dhe fakte ligjore, si dhe pas konsultës me Prokurorinë e Rrethit u arrestuan ne flagrance shtetasit:
– Enver Çapja, 57 vjeç, banues ne Elbasan;
– Naim Gjarri, 38 vjeç, banues ne Elbasan.
Materialet hetimore do t’i kaloje Prokurorisë pranë Gjykatës se Shkalles se Pare Elbasan për veprën penale te ”Mbajtje pa leje dhe prodhim i armeve dhe municioneve luftarake” parashikuar nga neni 278 te Kodit Penal.
