Policia mori mesazhin nga Kryeministri, dhuna shpërtheu mbi “huliganët”…

“Kurrë nuk e kemi keqpërdorur policinë. Nuk e kemi bërë as kur përpara policëve ka pasur huligan. Policët dje u përballën me zjarrin e huliganëve,” tha Kryeministri Edi Rama jo duke ulur gjakërat për situatën e krijuar pas vrasjes së 25-vjeçarit nga policia, as duke bindur njeri, por duke i dhënë mesazh të qartë policëve që kishin përballë protestuesit para Ministrisë së Brendshme se si të veprojnë.

Ende pa përfunduar fjalën Kryeministri, policët filluan të hedhin gaz lotsjellës dhe të dhunojnë protestuesit duke shkaktuar një kaos të familjarëve që po i iknin dhunës tashmë të lejuar nga Qeveria, rigrupimit të protestuesve në lagjet përreth qendrës, dhe tymit të zjarrit që po ndizej kudo në qendër të Tiranës i cili po ndeshej me atë të policoëve të Ish-Gjeneral Lleshajt.