Policia ndërprenë punën e HEC-eve të “Gener 2” në Valbonë, reagon “Toka”

Pas ndërprerjes së punës së 2 hidrocentraleve të “Gener 2” në Valbonë sot ka reaguar Shoqata “Toka” duke theksuar se mungesa e punonjësve nuk do të thotë se HEC-et nuk po punojnë pasi ato mund të kontrollohen dhe në distancë përmes teknologjisë.

“Sot, 9 nëntor 2021, përmbaruesi Satbere Shahu zuri vendin e përmbaruesit të Tropojës Eduart Mrishaj dhe vizitoi centralet e 2 impianteve të Dragobia Energy në lumin Valbona brenda Parkut Kombëtar të Luginës së Valbonës, duke konfirmuar se ata kishin respektuar vendimin e Gjykatës së Lart të 21 korrikut 2021. Ajo shoqërohej nga forcat e policisë së Tropojës dhe bashkiake e Tropojës. Në vendin e parë nuk ishte askush tjetër përveç një roje sigurie, por pas disa minutash mbërriti kreu i forcave të sigurimit të kontraktuar të Gener 2, Erzen Breçani. Veprimi i tij i parë ishte që Presidentja e TOKA-s, Catherine Bohne, të largohej menjëherë nga vendi,” thekson Organizata “Toka” duke e bërë të qartë:

“Pas ditës së sotme, nëse kompania hap çelësin dhe ndez sërish hidrocentralet, qoftë edhe për 5 minuta, qoftë edhe në mes të natës, bëhet një vepër penale që – mos gaboni – do ta ndjekim penalisht,” thekson Shoqata “Toka” duke shtuar:

“Sot në mëngjes TOKA mori konfirmimin se Drejtoria e Përgjithshme e BE-së për Fqinjësinë dhe Negociatat e Zgjerimit, “DG Near”, në Bruksel po monitoron situatën e vazhdueshme në lumin Valbonë, si një tregues i rëndësishëm i funksionit të drejtësisë mjedisore në Shqipëri.”

Policia e Komisariatit të Tropojës ka konfirmuar se me kërkesë të zyrës përmbarimore pranë Gjykatës së Rrethit Tropojë ka mbështetur aksionin për prezullimin e punës në “Hec Dragobi” që është ngritur mbi lumin e Valbonës.

Ndryshe, FaxNews raporton se Gjykata e Lartë ka shqyrtuar çështjen pas kërkesës së paraqitur nga pala paditëse që përbehet nga banorët 27 fshatrave të Bashkisë Tropojë, Shoqata “TOKA” dhe Shoqata për Ruajtjen dhe Mbrojtjen e Alpeve Shqiptare, të përfaqësuar nga zyra e avokatisë KALO & ASSOCIATES.

Në vitin 2017 e njëjta kërkesë nuk u pranua nga Gjykata Administrative, e cila vendosi për ndërtimin e hidrocentraleve. Ata kërkuan anulimin e dy hidrocentraleve në Luginën e Valbonës, duke renditur argumentet që lidhen me ndërtimin në një park kombëtar të kategorisë së dytë dhe falsifikimin e firmave në dëgjesat publike. Disa muaj më vonë, Gjykata rrëzoi padinë e banorëve dhe Shoqatës “TOKA”.

Ky vendim u apelua dhe në qershor të vitit 2018 padia u pranua. Gjykata e Apelit urdhëroi pezullimin e punimeve. Në datën 31 korrik 2018, Gjykata e Rrethit Gjyqësor të Tropojës vendosi të rrëzojë vendimin e Gjykatës Administrative të Apelit në Tiranë për pezullimin e punimeve për ndërtimin e HEC-eve në Parkun Kombëtar të Valbonës. Gjykata e Tropojës i dha të drejtën kompanisë koncensionare “Dragobia Energy” të vijojë punimet.

Më pas çështja shkoi në Gjykatën e Lartë, e cila dha vendimin përfundimtar për mos ndërtimin e tre HEC-eve, pezullimin e punimeve, duke zhbërë një padrejtësi ndaj një zone që ishte e mbrojtur me ligj si Park Kombëtar.

Njoftimi për Shtyp
Tropoje, 9 nentor 2021

Përmbaruesi Satbere Shahu I Kukësit konfirmon se Dragobia Energy ka ndërprerë funksionimin
e 2 Hidrocentraleve në lumin Valbonë

Sot, 9 nëntor 2021, përmbaruesi Satbere Shahu zuri vendin e përmbaruesit të Tropojës Eduart Mrishaj dhe vizitoi centralet e 2 impianteve të Dragobia Energy në lumin Valbona brenda Parkut Kombëtar të Luginës së Valbonës, duke konfirmuar se ata kishin respektuar vendimin e Gjykatës së Lart të 21 korrikut 2021. Ajo shoqërohej nga forcat e policisë së Tropojës dhe bashkiake e Tropojës.policia

Nëvendin e parë nuk ishte askush tjetër përveç një roje sigurie, por pas disa minutash mbërriti kreu I forcave të sigurimit të kontraktuar të Gener 2, Erzen Breçani.

Veprimi i tij I pare e TOKA-s, Catherine Bohne, të largohej menjëherë nga vendi.

“Ishte mjaft e sikletshme,” tha Catherine Bohne, “Unë theksova se përmbaruesi më kishte kërkuar të isha i pranishëm, por Erzen tha se nuk kishte rëndësi dhe nuk kisha punë të isha atje.”

Përmbaruesi Shahu më pas kërkoi deklarata dhe nënshkrime nga të gjithë të pranishmit, duke konfirmuar se impianti nuk ishte në punë.

Catherine Bohne: “Unë u përpoqa të theksoja se isha hedhur jashtë vendit dhe se nuk isha informuar më parë se do të pritej – pavarësisht se nuk isha inxhinier – të gjykoja nëse hidrocentrali po funksiononte. Por ne arritëm një marrëveshje, ku unë deklarova thjesht atë që kishte 2-3 minuta që isha brenda objektit: se ishte qetësi dhe ishte vetëm një roje i pranishëm.”

Pavarësisht nga fakti që zhvilluesit e hidrocentraleve shpesh pretendojnë se po “krijojnë vende pune”, dihet se hidrocentralet operuese kontrollohen nga distanca nëpërmjet teknologjisë dhe nuk kërkojnë praninë e asnjë punonjësi apo aktiviteti pune. Kështu, mungesa e punëtorëve nuk tregon në vetvete mungesë funksioni.

Grupi më pas kaloi në centralin e dytë të energjisë Dragobia Energy dhe konfirmoi se 3 turbinat nuk funksiononin në kohën e vizitës.

“Ky ështënjë hap i rëndësishëm në përpjekjet tona për të siguruar që të ndiqet një proces i rregullt ligjor – sado me vonesë – në lumin Valbonë”, deklaron presidentja e TOKA-s, Catherine Bohne.

“Pas ditës së sotme, nëse kompania hap çelësin dhe ndez sërish hidrocentralet, qoftë edhe për 5 minuta, qoftë edhe në mes të natës, bëhet një vepër penale që – mos gaboni – do ta ndjekim penalisht”.

Ajo shton: “Kam dëgjuar disa njerëz që thonë “Ç’kuptim ka tani që janëndërtuar?” por ne e kemi argumentuar që në fillim se është funksionimi I hidrocentraleve, me prishjen e rrjedhës natyrore të lumit, ndikimin e tyre.

Mbi lëvizjen e sedimenteve në drejtim të rrymës dhe efektin e tyre potencialisht katastrofik mbi habitatet dhe popullatat e faunës që janë kërcënimi real. Kështu beteja është larg përfundimit. Në fund të fundit – pasi të fitojmë, hidrocentralet mund të hiqen lehtësisht, duke i kthyer funksionin natyror të lumit.”

Në një rrethanë interesante, sot në mëngjes TOKA mori konfirmimin se Drejtoria e Përgjithshme e BE-së për Fqinjësinë dhe Negociatat e Zgjerimit (“DG Near”) në Bruksel po monitoron situatën e vazhdueshme në lumin Valbonë, si një tregues i rëndësishëm i funksionit të drejtësisë mjedisore në Shqipëri.

Në orën 9:00 të mëngjesit të nesërm, Catherine Bohne do të paraqitet në Gjykatën e Rrethit Tropojë, për t’iu përgjigjur akuzave për shpifje të ngritura ndaj sajnga zyra e përmbarimit Tropojë.