Policia në Deutsche Bank, hetim për pastrim parash

Mëngjesin e sotëm, makina të shumta të policisë u panë pranë selië së bankës më të madhe në Gjermani, Deutsche Bank në Frankfurt, raporton BBC duke saktësuar se bëhet fjalë për një bastisje nga prokurorët në kuadër të një hetimi për pastrim parash.

Prokuroria gjermane pretendon se dy anëtarë të stafit kanë ndihmuar klientët që të pastrojnë paratë nga aktivitetet kriminale.

Ndërkohë, zyra të tjera të Deutsche Bank u kontrolluan gjatë një operacioni ku u përfshinë rreth 170 efektivë policie dhe zyrtarë.

Prokurorët po hetojnë nëse stafi i bankës Deutsche ndihmoi klientët që të hapnin llogari off-shore për “transferimin e parave të ardhura nga  aktivitetet kriminale”.

Hetimi nisi pas zbulimit të “Panama Papers 2016, një sasi e madhe informacioni rrjedhur nga një nga kompanitë më të fshehta në botë, një firmë ligjore panameze e quajtur Mossack Fonseca.